Millət vəkili Əziz Ələkbərlinin seçicilərlə görüşü səmərəli olmuşdur
Bu gün, 13:37. Yazar: sevinc1
66 saylı Saatlı seçki Dairəsindən Milli Məclisin deputatı Əziz Ələkbərli daim seçicilərlə təmasda olan, onların qayğı və problemlərinin həll olunmasında dəstəyini əsirgəməyən millət vəkillərindəndir. Səmimi və işgüzar ortamda seçicilərli səbrlə dinləyən Əziz Ələkbərlinin rayona hər gəlişi seçicilər tərəfindən yüksək səviyyədə qiymətləndirilir. Bəzən bilavasitə seçicini evində yoluxan deputatın budəfəki görüşləri də maraqla qarşılanıb.
Bu dəfəki görüşlərdən biri seçicilərin fərdi müraciətləri əsasında həyata keçirilmiş, müraciətləri dinlənilərək araşdırılmış, bəzi problemlər yerindəcə həll edilmiş, bəziləri isə qeydiyyata alınaraq nəzarətə götürülmüş, digər müraciətlər isə aydınlaşdırmaq üçün görüşdən sonra aidiyyatı qurumlara göndərilmişdir. Hər bir seçicinin, hər bir vətəndaşın məmnunluğunu əsas şərt hesab edən millət vəkili bu məslənin prioritet olduğunu bildirmişdir.
Azadkənd kəndinin bir qrup sakini ilə görüş də xeyli səmərəli keçmiş, problemlər dinləndikdən sonra lazımi tədbirlər görülmüşdür.
Qıraqlı kəndində kənd icra nümayəndəsi Vüsal Muxtarov, bələdiyyə sədri Etimad Hüseynov, kənd icra nümayəndəsinin müavini Mircəlal Həşimov, kənd ağsaqqalları Ehtiram Mirzəyev, Vasif Hüseynov və kənd sakini Xəyal Kazımovla söhbət edən millət vəkili kənd sakinlərini narahat edən problemçlərlə maraqlanmış, ağsaqqalların təkilflərini qeydə almışdır.
Rayonun Mustafabəyli kənd məktəbinə baş çəkən Əziz Ələkbərli kənd icra nümayəndəsi Nizaməddin Astanov, kənd bələdiyyə sədri Gülağa Gözəlov və kənd tam orta məktəbinin direktoru Dilbər Hacıqayıbova ilə görüşərək kəndlə bağlı görülməli olan işləri müzakirə etmişdir.
Millət vəkili bu dəfəki görüşlərin səmərəli olduğunu, insanlarda inamın artdığını, daha səmimi ortamda və işgüzarlıqla aparılan müzakirələrin effektli olduğunu bildirmiş, görüşlərin keçirilməsində təşkilatçılığa görə YAP Saatlı Rayon Təşkilatının sədri Elşən Əzizova və rəhbərlik etdiyi kollektivə təşəkkürünü bildirmişdir.
aia.az
Geri dön