Qusarda Yeni Azərbaycan Partiyasının təsis edilməsinin 32 illiyi qeyd olunub.
Bu gün, 15:01. Yazar: sevinc1
Qusar rayon Heydər Əliyev Mərkəzində Yeni Azərbaycan Partiyasının təsis edilməsinin 32 illiyinə həsr olunmuş tədbir keçirilib.
aia.az xəbər verir ki, əvvəlcə tədbir iştirakçıları Ulu Öndər Heydər Əliyevin abidəsini ziyarət edərək önünə gül dəstələri qoyublar.
Qusar Rayon İcra Hakimiyyətinin başçısı Sahir Məmmədxanov, YAP Qusar rayon təşkilatının sədri David Ibramxəlilov ,ərazi partiya təşkilatlarının sədrləri və partiya fəallarının iştirakı ilə keçirilən tədbirdə öncə Dövlət Himni səsləndirilib, Ulu Öndər Heydər Əliyevin və torpaqlarımızın azadlığı uğrunda canlarını qurban vermiş şəhidlərin əziz xatirəsi bir dəqiqəlik sükutla yad edilib.
Tədbiri giriş sözü ilə açan YAP Qusar rayon təşkilatının sədri David İbramxəlilov partiyanın yaranma tarixindən, keçdiyi şərəfli yoldan, gələcək hədəflərindən danışıb.D.İbramxəlilov qeyd edib ki, 32 illik şərəfli inkişaf yolu keçən YAP ümumxalq partiyasına çevrilərək möhtəşəm nailiyyətlər əldə edib.
Qusar Rayon İcra Hakimiyyətinin başçısı Sahir Məmmədxanov çıxışında YAP -ın yaranmasında və inkişaflnda Ulu Öndər Heydər Əliyevin
gərgin əməyini vurğulayaraq partiyanın dövlət siyasətində aparıcı mövqeyindən danışıb.
Partiya veteranı Arif Xəlilov və gənc fəal Könül Butayeva Prezident,YAP sədri İlham Əliyevin rəhbərliyi ilə bu siyasi təşkilatın kəmiyyət və keyfiyyət baxımdan uğurlu inkşafından, gənclərə göstərilən diqqət və qayğıdan danışıblar
Tədbirin sonunda rayonun ictimai-siyasi həyatında fərqlənən bir qrup partiya fəalına Fəxri fərmanlar və qiymətli hədiyyələr təqdim edilib.
Sonda Yeni Azərbaycanın Partiyasının himni səsləndirilib.
Geri dön