Gədəbəydə YAP-ın təsis edilməsinin 32-ci ildönümü qeyd olunub
Bu gün, 11:20. Yazar: sevinc1
Yeni Azərbaycan Partiyasının (YAP) təsis edilməsinin 32-ci ildönümü münasibətilə Gədəbəy Rayon İcra Hakimiyyətinin başçısı Orxan Mürsəlov, YAP Gədəbəy rayon təşkilatının sədri Rüstəm Nağıyev və aparat əməkdaşları, idarə və müəssisələrin rəhbərləri, Ərazi partiya təşkilatlarının sədrləri və fəalları iştirak ediblər.
aia.az xəbər verir ki, ilk öncə tədbir iştirakçıları Gədəbəy şəhərinin mərkəzindəki ümummilli lider Heydər Əliyevin əzəmətli abidəsini ziyarət edib, önünə gül dəstələri düzüb və ruhunu ehtiramla yad ediblər.
Sonra Gədəbəy rayon Heydər Əliyev Mərkəzində Müstəqil Azərbaycan dövlətinin memarı, Ümummilli Lider Heydər Əliyevin zəngin həyat yolu və fəaliyyətinin müxtəlif dövrlərini özündə əks etdirən eksponatlarla tanış olublar. İştirakçılara Ümummilli Lider Heydər Əliyevin təkrarolunmaz həyat yolu, Azərbaycan xalqı və dövləti qarşısındakı misilsiz xidmətləri haqqında geniş məlumat verilib.
Qeyd olundu ki, Ulu Öndər Heydər Əliyevin rəhbərliyi ilə Yeni Azərbaycan Partiyasının yaranması dövlətimizin siyasi taleyini, gələcək yolunu müəyyənləşdirən çox mühüm və əlamətdar hadisə olub. Yeni Azərbaycan Partiyası cəmiyyətinin ictimai-siyasi, iqtisadi, sosial həyatında həlledici rol oynayır və Ümummilli Lider Heydər Əliyevin siyasi kursunu uğurla davam etdirən, Azərbaycan Respublikasının Prezidenti İlham Əliyevin rəhbərliyi altında dövlətimiz gündən-günə daha da güclənir, inkişaf edir.
Ulu Öndər Heydər Əliyevin dediyi kimi, Yeni Azərbaycan Partiyası öz fəaliyyəti ilə sübuta yetirdi ki, o, məhz yeni müstəqil Azərbaycanı qurmağa, onu zirvələrə, parlaq gələcəyə daşımağa qadir partiyadır.
Geri dön