Salvadorda son iki il ərzində ilk dəfə sutka ərzində qətl hadisəsi törədilməyib
13-01-2017, 13:47. Yazar: admin
Törədilən qətl hadisələrinin sayına görə dünyada ilkin yerlərdən birini tutan Salvadorda son dəfə 2015-ci ilin yanvar ayında sonra ilk dəfə ötən sutka ərzində qətlsiz bir gün yaşanıb.
Oxu.Az bu barədə BBC-yə istinadən xəbər verir.
Milli polisin rəhbəri Hovard Kotto dünən mətbuat konfransı zamanı qeyd edib ki, ötən gün qətl haqqında heç bir məlumat daxil olmayıb.
Quldur qarşıdurmalarından əziyyət çəkən Mərkəzi Amerika ölkəsində son dəfə belə bir gün 2015-ci ilin yanvar ayında qeydə alınmışdı. 2013-cü ildə də belə bir gün qeydə alınıb, 2012-ci ildə isə belə günlərin sayı iki olub.
Salvadorda təxminən 6 milyon adam yaşayır. 2016-cı ildə orta hesabla gündə 14-15 qətl törədilirdi.
Geri dön