Çeçenistan nümayəndə heyəti Milli Onkologiya Mərkəzində olmuşdur
18-11-2024, 15:35. Yazar: sevinc1
Noyabrın 16-da Çeçenistan Respublikasının səhiyyə naziri Adam Alxanovun rəhbərlik etdiyi nümayəndə heyəti Milli Onkologiya Mərkəzində olmuşdur. Səfər çərçivəsində Adam Alxanov Milli Onkologiya Mərkəzinin baş direktoru akademik Cəmil Əliyevlə görüşmüş və tərəflər qarşılıqlı maraq doğuran əməkdaşlıq məsələlərini müzakirə etmişlər.
Milli Onkologiya Mərkəzi ilə Çeçenistan Respublikası Səhiyyə Nazirliyi arasında elmi-tədqiqat sahəsində əməkdaşlıq məqsədilə memorandum imzalanmışdır. Memorandum iki qurum arasında birgə proqramların və elm sahəsi üzrə işlərinin həyata keçirilməsi, təcrübə mübadiləsinin təşviq edilməsi və birgə layihələrin işlənib hazırlanmasını nəzərdə tutur.
Çeçenistan Respublikasının ümayəndə heyəti Milli Onkologiya Mərkəzində onkoloji xəstəliklərin müalicəsi üçün yaradılan müasir şəraitlə tanış olmuşdur. Mərkəzin mütəxəssisləri tərəfindən aparılan müalicə metodları və xəstə baxımı barədə qonaqlara ətraflı məlumat verilmişdir. Nümayəndə heyətinin üzvləri görüşün sonunda Milli Onkologiya Mərkəzinin Uşaq Klinikasında müalicə alan pasiyentlərlə görüşmüşlər.
Geri dön