AzQAC-ın və Pakistan Qızıl Aypara Cəmiyyəti ilə ikitərəfli görüşü baş tutub
Bu gün, 16:36. Yazar: sevinc1
aia.az xəbər verir ki, 15 noyabr 2024 cü il tarixində Azərbaycan Qızıl Aypara Cəmiyyətinin prezidenti, millət vəkili Novruz Aslanov və Pakistan Qızıl Aypara Cəmiyyətinin prezidenti Sardar Shahid Ahmed Laghari ilə ikitərəfli görüş keçirilib. Görüşdə Cəmiyyətin İcraçı katibi Ceyhun Mirzəyev, Qarabağ Regional Mərkəzinin koordinatoru Afaq Hüseynzadə və Pakistan QAC tərəfindən Maryam Khan və Sajjad Ali Khadir iştirak edib.
Görüşdə əsasən iki ölkə arasında humanitar sahədə əməkdaşlıq məsələləri müzakirə olunub. Azərbaycanın və Pakistanın Qızıl Aypara Cəmiyyətlərinin gələcək birgə fəaliyyəti, humanitar yardımların və fəlakətlər zamanı müvafiq xidmətlərin göstərilməsi, zərərçəkənlərə dəstək verilməsinə dair və s. müzakirələr aparılıb. İki ölkənin humanitar təşkilatlarının qarşılıqlı əlaqələrini daha da gücləndirmək məqsədilə müxtəlif təşəbbüslər irəli sürülüb.
Geri dön