WSJ: İran ABŞ-a Trampa sui-qəsd hazırlamadığına dair mesaj verdi
Bu gün, 14:57. Yazar: sevinc1
İran hakimiyyəti oktyabr ayında hazırkı Amerika administrasiyasına ABŞ-ın yeni seçilmiş prezidenti Donald Trampa sui-qəsd planlaşdırmadıqları barədə məlumat verib. Bu barədə mənbələrə istinadən The Wall Street Journal (WSJ) məlumat yayıb.Onun sözlərinə görə, Tehran bu mesajı yazılı və məxfi şəkildə çatdıraraq, bununla da Yaxın Şərqdə kəskinləşmə fonunda ABŞ və İran arasında münasibətlərin gərginləşməsi dərəcəsini azaltmaq niyyətində olub. Onun dəqiq hansı kanallardan gəldiyi barədə məlumat verilmir. İranın cavabının Trampa və komandasına çatdırılıb-ötürülmədiyi də bildirilmir.Amerika rəsmilərinin WSJ ilə söhbətində qeyd etdiyi kimi, İrandan gələn bu mesaj Vaşinqtonun sentyabr ayında Trampa qarşı təhdidlərin yolverilməzliyini vurğulayaraq və respublikaçının həyatına mümkün cəhdləri “hərbi təcavüz aktları” adlandırdığı Amerika xəbərdarlıqlarına cavab idi. İranlı həmsöhbətlər də öz növbəsində qeyd ediblər ki, onlar respublikaçının rəhbərlik etdiyi yeni administrasiya ilə qarşıdurmadan qaçmaq istəyirlər.Sentyabrın sonunda Tramp özünün Truth Social sosial şəbəkəsində yazıb ki, guya İran onun həyatı üçün təhlükə yaradır. Onun kampaniyası öz növbəsində bildirib ki, ABŞ Milli Kəşfiyyat Direktorunun Ofisi Trampı Birləşmiş Ştatlarda vəziyyətin sabitliyini pozmağa yönəlmiş “İrandan gələn real və konkret təhdidlər” barədə məlumatlandırıb.
İyul və sentyabr aylarında Trampa qarşı sui-qəsd cəhdləri olub. “The Washington Post”un daha əvvəl ixtiyarında olan mənbələrə və sənədlərə istinadən xəbər verdiyi kimi, Tramp İrandan onun həyatına gəldiyi iddia edilən təhlükədən onu qorumaq üçün ona hərbi təyyarə və nəqliyyat vasitələri verilməsini tələb edib.
aia.az
Tərcümə şöbəsi
Geri dön