Estoniyada cinayətin artmasının izahı tapılıb
15-11-2024, 11:54. Yazar: sevinc1
Estoniyada əhali arasında pul çatışmazlığı və sosial-iqtisadi vəziyyətin pisləşməsi səbəbindən cinayətlər artır. TASS xəbər verir ki, bunu Baltikyanı Respublikasının ədliyyə və rəqəmsal texnologiyalar naziri Liisa-Li Pakosta deyib.
Onun sözlərinə görə, 10 il ərzində ölkədə qeydə alınan cinayətlərin səviyyəsi azalsa da, 2023-cü ildə bu rəqəm 4% artıb. Fırıldaqların sayı isə əvvəlki illə müqayisədə 25% artıb.
“Təəssüflə qeyd etməliyik ki, analitiklər sosial-iqtisadi vəziyyətin pisləşməsini Estoniyada cinayətin artmasına səbəb olan əsas amil hesab edirlər. Təəssüf ki, oğurluq etdiklərini söyləyənlərin sayı da artıb, çünki əks halda ərzaq və əsas tələbat mallarını almaq üçün kifayət qədər pulları yoxdur”, - Liisa-Li Pakosta izah edir.
Bundan əvvəl Estoniyanın baş naziri Kaja Kallas respublikanı qorumaq üçün son dərəcə qeyri-populyar tədbirlər görməyə və artan hərbi xərcləri ödəmək üçün vergiləri artırmağa məcbur olduğunu bildirmişdi.
Eyni zamanda, Estoniya “sanksiyalara əməl edilməməsi cəhdləri”, habelə “qadağan olunmuş malların” daşınması səbəbindən Rusiya istiqamətində sərhəddən keçən insanların və malların seçmə yox, tam gömrük nəzarətinin tətbiq olunduğunu elan edib. .
aia.az
Tərcümə şöbəsi
Geri dön