Laçın rayonunda ağacəkmə aksiyası keçirilib
Dünən, 21:34. Yazar: sevinc1
Azərbaycan Respublikasının Prezidenti cənab İlham Əliyevin Sərəncamı ilə iqlim dəyişmələrinə qarşı qlobal mübarizədə beynəlxalq həmrəyliyin gücləndirilməsi məqsədilə Azərbaycanda 2024-cü il "Yaşıl dünya naminə həmrəylik ili" elan edilmişdir. Bu çərçivədə ölkə ərazisində yaşıllıq sahələrinin genişləndirilməsinə, ətraf mühitin qorunmasına və qlobal iqlim dəyişmələrinin qarşısının alınmasına töhfə vermək üçün ağac və kol cinslərin əkilməsi nəzərdə tutulmuşdur.
YAP Laçın rayon təşkilatının və 1 saylı ərazi partiya təşkilatının təşkilatçılığı ilə Laçın rayon sakinlərinin müvəqqəti məskunlaşdıqları Ağcabədi rayonunun Taxtaköpü qəsəbəsində “Yaşıl dünya naminə həmrəylik ili”nə həsr olunmuş növbəti ağacəkmə aksiyası keçirilmişdir.
“Yaşıl dünya naminə həmrəylik ili” çərçivəsində keçirilən ağacəkmə aksiyasının məqsədi ictimaiyyətin diqqətini ətraf mühitin sağlamlaşdırılmasına, yaşıllıqların bərpasına və artırılmasına yönəltmək, ağacəkmə işini ümummilli hədəflərimizdən birinə çevirmək, ətraf mühitin mühafizəsinə və iqlim dəyişikliyi ilə mübarizəyə töhfə verməkdən ibarətdir.
Geri dön