AK rəhbəri Rusiya Federasiyası vətəndaşları üçün viza məhdudiyyətlərinin sərtləşdirilməsini müzakirə etməyə çağırıb
Bu gün, 14:27. Yazar: sevinc1
Avropa Komissiyasının rəhbəri Ursula fon der Leyen Rusiya vətəndaşları üçün viza məhdudiyyətlərinin sərtləşdirilməsini müzakirə etməyə çağırıb. RİA Novosti xəbər verir ki, o, bu barədə oktyabrın 17-18-də keçiriləcək sammit ərəfəsində Avropa İttifaqının dövlət və hökumət başçılarına ünvanladığı məktubda bildirib.Müraciətində AK rəhbəri bəyan edib ki, xüsusi əməliyyat başlayandan bəri Aİ ölkələrinə ruslara viza verməkdən imtinaların faizi artıb. Eyni zamanda, o, Ukrayna münaqişəsinin nəticələri barədə Rusiya xalqına “daha güclü mesaj” göndərmək üçün bu məsələyə yeni ümumi yanaşmanın işlənib hazırlanmasını zəruri hesab edir.
Yada salaq ki, 2022-ci ilin sentyabrında Aİ ittifaqla Rusiya arasında sadələşdirilmiş viza rejimini dayandırıb.Qərar o demək idi ki, Rusiya Federasiyasının vətəndaşları üçün ümumi qaydalar tətbiq olunur: vizanın qiyməti 80 avrodur, sorğu üçün əlavə sənədlər tələb olunur və ərizəyə baxılma müddəti artır. Rusiya Xarici İşlər Nazirliyi bu qərarı “özünü məhv edən” adlandırıb.Sentyabrın 18-də Avropa komissarı Stella Kiriakides viza məhdudiyyətlərinin sərtləşdirilməsi təklifi ilə çıxış edib. Eyni zamanda, o, Macarıstanın bir sıra ölkələrin, o cümlədən Rusiya Federasiyası və Belarusiya vətəndaşları üçün iş vizalarının alınmasını sadələşdirmək qərarını tənqid edib.
aia.az
tərcümə şöbəsi
Geri dön