Havanın çirklənməsi döş xərçənginə səbəb olur
Dünən, 19:59. Yazar: sevinc1
Avropa Xərçəng Jurnalında dərc edilən araşdırmaya görə, hər kubmetr üçün PM2.5 konsentrasiyasında 10 mikroqram artımın döş xərçəngi riskini yüzdə 28 artırdığı müəyyən edilib. Mütəxəssislər döş xərçəngi kimi xərçəng növlərinin qarşısını almaq üçün hava çirkliliyinin azaldılmasının vacibliyinə diqqət çəkib.
Döş xərçəngi haqqında məlumatlılığı artırmaq, məlumat mübadiləsini asanlaşdırmaq və bu xərçəng növü ilə mübarizə aparanlara dəstək olmaq məqsədi ilə 1-31 oktyabr tarixləri bütün dünyada Süd vəzi Xərçəngi Maarifləndirmə Ayı hesab olunur. Hər il fərqli bir mövzu ilə qeyd olunan süd vəzi xərçəngi məlumatlandırma ayının builki mövzusu “Heç kim tək başına döş xərçəngi ilə qarşılaşmamalıdır”.
Ümumdünya Səhiyyə Təşkilatına (ÜST) bağlı Xərçəng Araşdırmaları Agentliyinin (IARC) məlumatına görə, 2022-ci ildə təxminən 20 milyon xərçəng hadisəsi aşkar edilib və 9,7 milyon insan xərçəng səbəbindən dünyasını dəyişib. Ağciyər xərçəngi 2,5 milyon yeni hadisə ilə dünyada ən çox yayılmış xərçəng növü olub, ümumi halların 12,4 faizini təşkil edir, ikinci yerdə 11,6 faiz və 2,3 milyon hal ilə döş xərçəngi gəlir.Xərçənglə bağlı ümumi ölümlərin 18,7 faizi ağciyər xərçəngi, 9,3 faizi kolorektal xərçəng, 7,8 faizi isə qaraciyər xərçəngi nəticəsində baş verib. 670 min ölüm və ümumi xərçəngə bağlı ölümlərin 6,9 faizini təşkil edən süd vəzi xərçəngi 185 ölkədən 157-də qadınlarda ən çox görülən xərçəng növü olaraq qeyd edildi.
Havanın çirklənməsinin ən mühüm komponentləri hissəciklərdir.
"Havanın çirklənməsinə uzun müddət məruz qalmaq immunitet sistemini zəiflədə bilər."
aia.az
Tərcümə şöbəsi
Geri dön