Birləşmiş Ştatlar Ukraynaya uzun mənzilli ATACMS tədarükünün "aktiv" müzakirəsini elan etdi
Dünən, 20:59. Yazar: sevinc1
Ukraynanın uzaqmənzilli ATACMS raketləri ilə təchiz edilməsi məsələsi “aktiv müzakirə” mərhələsindədir. RİA Novosti xəbər verir ki, bunu ABŞ dövlət katibinin müavini Kurt Kempbell deyib.O, hələlik konkret bir şey deyə bilməyəcəyini, lakin bu məsələnin “hazırda aktiv şəkildə müzakirə edildiyini” bildirib. Eyni zamanda, Kempbell etiraf edib ki, son nəticədə Ukraynadakı münaqişənin həlli məsələsi “danışıqlar masası arxasında” həll olunmalıdır.
"Ümid edirik ki, gələcəkdə biz bu məsələdə hansısa diplomatik qarşılıqlı fəaliyyətin mümkün olacağı vəziyyətə gələ biləcəyik", - o əlavə edib.
Yada salaq ki, Rusiya Federasiyası dəfələrlə bəyan edib ki, Ukraynaya silah tədarükü münaqişənin həllinə mane olur və NATO ölkələrini bu işə birbaşa cəlb edir. Rusiyanın xarici işlər naziri Sergey Lavrov Kiyev üçün silah olan istənilən yükün Moskva üçün qanuni hədəfə çevriləcəyini vurğulayıb.
aia.az
Tərcümə şöbəsi
Geri dön