Tarix bizə qürurverici illər yaşadır
25-09-2024, 10:31. Yazar: sevinc1
Bu gün tariximizlə, yaşadığımız zəfər təntənəsi ilə qürur duyuram. Dünyada söz sahibinə çevrilən ölkəmin lideri ilə fər edirəm. Onun ağıllı iqtisadi, siyasi və hərbi siyasəti, ordumuzun qəhrəmanlığı hesabına erməni seperatizmin kökü Azərbaycanda kəsildi və tarizimizdə ilk dəfə ərazi bütövlüyü təmin edilən ölkənin vətəndaşları kimi yaşamağa başladıq. Cənab Prezidentin VII çağırış Milli Məclisin ilk iclasında çıxışı dərin məzmunlu, sərrast təhlil xarakterli planlardan xəbər verdi. Nəyi necə edəcəyimizin yolları göstərildi. “Bu gün bu fürsətdən istifadə edərək ölkə qarşısında duran bəzi vəzifələr haqqında öz fikirlərimi sizinlə və Azərbaycan xalqı ilə bölüşmək istərdim. Birinci nömrəli vəzifə hərbi gücümüzün artırılmasıdır. Baxmayaraq ki, İkinci Qarabağ müharibəsi və antiterror əməliyyatı arxada qaldı, həm dünyada gedən proseslər, yeni münaqişə, müharibə ocaqlarının yaradılması və ətrafımızda gərginliyin artması, eyni zamanda, Ermənistanda revanşizm meyilləri bizi bu sahəyə daim diqqət göstərməyə vadar edir. Hərbi gücümüz olmasa, biz heç bir müstəvidə - nə iqtisadi, nə siyasi müstəvidə uğur qazana bilmərik” Cənab Prezident çıxışına davam edərək bildirib. “Hesab edirəm ki, müstəqil Azərbaycanın tarixi, o cümlədən 30 illik işğal bunu əyani şəkildə göstərir. Bizim hərbi imkanımız, gücümüz olmasaydı, heç vaxt torpaqlarımızı işğalçılardan azad edə bilməzdik. İndi dünyada nəinki siyasətlə məşğul olanlar, hesab edirəm ki, bütün insanlar görürlər ki, beynəlxalq hüquq anlayışı tamamilə sarsılıb. İkinci Dünya müharibəsindən sonra formalaşmış təhlükəsizlik arxitekturası artıq mövcud deyil, “Kim güclüdür, o da haqlıdır” prinsipi üstünlük təşkil edir və artıq bəzi böyük dövlətlər bunu heç gizlətmirlər. Bizim isə siyasətimiz, əslində, uzun illər ərzində bu istiqamətdə aparılırdı. İşğal dövründə, ilk növbədə, hərbi gücümüzün artırılması daim bizim əsas vəzifəmiz idi və hər il Milli Məclisdə dövlət büdcəmiz təsdiq olunanda artıq hər kəs görürdü ki, birinci xərclər hərbi xərclərdir. Bu gün də belə olmalıdır.” Bununla yanaşı qarşıda böyük məsələlər durur ki, onların da həlli sürətlə həyata keçirilir. Qarabağı yenidən qurmaq, yaralarını sağaltmaq, Şərqi Zəngəzuru bərpa etmək olduqca vacibdir. İnsanlar ora qayıtmalıdır və təhlükəsiz, hər şəraiti olaraq yaşamalıdır. Ümumiyyətlə, Vətən müharibəsindən sonrakı sərhəd toqquşmalarında, antiterror tədbirlərində də Azərbaycan Ordusu bir daha beşinci nəsil müharibəni apara bilmək iqtidarında olduğunu dünyaya nümayiş etdirdi. Azərbaycan Silahlı Qüvvələrində Türk ordu modelinə keçid kifayət qədər sürətlə davam edir. Cənab Prezident İlham Əliyevin də qeyd etdiyi kimi, Azərbaycan müharibədən sonrakı dövrdə də ordu quruculuğu və silahlı qüvvələrin təminat və təchizatında çox mühüm addımlar atır. Bu gün Azərbaycan hərbi-texniki sahədə həm Türk Dövlətləri Təşkilatı üzvləri, həm də digər müttəfiq və dost ölkələrlə uğurlu əməkdaşlığa malikdir. Ordumuz müharibədən sonrakı illərdə də beynəlxalq reytinqini hər il daha da artırır. Təsadüfi deyil ki, Azərbaycan ordusu bu gün dünyanın güclü orduları sırasında yer alır. Bunlar əsas verir deyim ki, əldə edilən zəfərimizi, tarixi qələbəmizi kimsə sarsıda bilməz. Təbii ki, hərbi sahəyə də diqqətimizi diqqətimizi azaltmayacayıq və Cənab Prezidentin də dediyi kimi oraya ayrılan vəsaiti lazımi səviyyədə təmin etməsək, gələcəkdə bizi problemlər gözləyə bilər. Ermənistanda revanşistlər süni əngəllər yaratmağa baş qaldırmağa çalışsalar da heç nəyə nail ola bilməyəcəklər. Çünki dəmir yumruq yerindədir və hər an baş qaldıranların başını əzə bilər.
David İbramxəlilov, YAP Qusar rayon təşkilatının sədri.
Geri dön