Konstitusiya Məhkəməsi gələn həftəyədək seçkilərə yekun
18-09-2024, 10:59. Yazar: sevinc1
Sentyabrın 1-də Azərbaycanda növbədənkənar parlament seçkiləri keçirilib. Budəfəki seçkilərdə 125 deputat mandatı uğrunda 990 namizəd mübarizə apardı. İlkin nəticələrə uyğun olaraq dairələr üzrə lider namizədlər müəyyənləşib.
aia.az xəbər verir ki, Mərkəzi Seçki Komissiyası (MSK) sentyabrın 22-dək dairələr üzrə nəticələri təsdiqləməli və baxılması üçün Konstitusiya Məhkəməsinə göndərməlidir.
Sentyabrın 16-da MSK seçkilərin yekunlarının və nəticələrinin təsdiq olunması üçün müvafiq sənədləri Konstitusiya Məhkəməsinə təqdim edib. Beləliklə, Konstitusiya Məhkəməsi seçkilərin nəticələrini 26 sentyabr tarixinədək təsdiqləmələdir.
Bundan sonra yekun nəticələrə isə Konstitusiya Məhkəməsi nöqtə qoyacaq.
Seçki Məcəlləsinə əsasən, Konstitusiya Məhkəməsi müvafiq sənədləri aldıqdan sonra 10 gün müddətində (yoxlama prosesi tələb etdikdə, həmin müddət artırıla bilər) Milli Məclisinə seçkilərin yekunlarının və nəticələrinin yoxlanılaraq təsdiq edilməsi prosesini başa çatdırmalıdır.
Qeyd edək ki, yaxın günlərdə Konstitusiya Məhkəməsinin iclas keçirməsi gözlənilir.
Bundan əlavə, seçkilərin yekunları bütövlükdə təsdiq edilmədikdə, Konstitusiya Məhkəməsi bu haqda qərar çıxarır və bu Məcəllənin 145-ci maddəsinə uyğun olaraq yeni seçkilər təyin edilir.
aia.az
Geri dön