Almaniyadan sonra indi Hollandiya: Ölkəyə daxil olmaq artıq o qədər də asan olmayacaq
17-09-2024, 08:49. Yazar: sevinc1
Hollandiya qeyri-qanuni immiqrasiyaya qarşı sərt tədbirlər görməyə başlayacaq. “Ölkə doludur” deyən Azadlıq Partiyası ən sərt sığınacaq qaydalarını tətbiq edəcək. Müvafiq olaraq, immiqrantın ailə birləşməsi məhdudlaşdırılacaq, yardımları kəsiləcək, mühacirlərə ev verilməyəcək, başqa ölkədən göndərilən mühacir geri alınmayacaq.Avropa qeyri-qanuni immiqrasiyaya qarşı qapılarını bir-bir bağlayır. Hollandiya sərhəd nəzarətini artıran və mühacirləri ilk ayaq basdıqları ölkəyə göndərməyə hazırlaşan Almaniyadan fərqli addımlar atmaq üçün hərəkətə keçib.
“Sözcü” xəbər verir ki, son 10 ildə aralarında çoxu türkün də olduğu 856 min insanın sığınacaq istədiyi Hollandiyada qeyri-qanuni yollarla ölkəyə gələn yeni insanları yerləşdirmək üçün artıq heç bir imkan olmadığı bildirilir. Azadlıq Partiyası Sığınacaq Başçısı Marjolein Faber, bunları söylədi: Türkiyədə ən sərt sığınacaq və immiqrasiya qaydalarını tətbiq etməyə başlayacaqlarını açıqladı.
Fövqəladə vəziyyət və qadağalar
Birincisi, fövqəladə vəziyyət (OHAL) elan ediləcək ki, qanunlar tez qəbul olunsun. Fövqəladə Vəziyyətin verdiyi səlahiyyətlə ölkənin sığınacaq istəyən insanlar üçün cəlbedici bir yerə çevrilməsinin qarşısını almaq üçün tədbirlər görüləcək.
Müvafiq olaraq, sığınacaq axtaranların ailə birləşməsi məhdudlaşdırılacaq. Maliyyə yardımı kəsiləcək; Yalnız yataq, yemək və gigiyena materialları veriləcək.
Şəxsiyyət vəsiqəsi olmayan və ölkəyə nə üçün gəldiyini bilməyən şəxslər sərhəddən geri qaytarılacaq.
Bundan əlavə, Almaniya və ya digər ölkələrdən göndərilən qaçaqlar ilk ayaq basdıqları ölkə Hollandiya olsa belə geri alınmayacaq. Sosial mənzil immiqrantlara yalnız müstəsna hallarda veriləcək.
Hollandiyada sığınacaq istəyənlər indi də çətin şəraitdə yaşayırlar.
İfrat sağçı Geert Wilders-in Azadlıq Partiyası seçkiləri qazandıqdan sonra anti-immiqrant əhval-ruhiyyəsi pik həddə çatsa da, bir çox sığınacaq axtaran şəxs istifadə olunmayan gəmilərdə qalmağa başladı.
aia.az
Tərcümə şöbəsi
Geri dön