Vyetnamı vuran "Yagi" qasırğasında ölənlərin sayı 179-a çatıb
12-09-2024, 09:22. Yazar: sevinc1
Vyetnamı vuran "Yagi" qasırğasının qurbanları günü-gündən ağırlaşır. Yagi qasırğası nəticəsində ölkədə həyatını itirənlərin sayının 179-a yüksəldiyi bildirilib.
Yagi qasırğasının ən çox ziyan vurduğu Vyetnamda can itkisi artır. Hökumətdən verilən açıqlamaya görə, ölkə daxilində tayfunun yaratdığı torpaq sürüşmələri və daşqınlar nəticəsində həyatını itirənlərin sayının 179-a yüksəldiyi bildirilib. İtkin düşənlərin sayının 145 nəfər olduğu bildirilib. Milli Meteorologiya Bürosunun rəhbəri Mai Van Khiem paytaxt Hanoyda Qırmızı çayda suyun səviyyəsinin 2004-cü ildən bəri ən yüksək səviyyədə olduğunu bildirib. Mai Van Khiem xəbərdarlıq edib ki, yaxın günlərdə paytaxt ətrafındakı əyalətlərdə güclü daşqınlar baş verə bilər.
Polis, əsgər və könüllülərin cəlb olunduğu səylər zamanı çay boyunca yaşayan minlərlə insan evlərindən təxliyə edilib. Elektrik şirkəti EVN təhlükəsizliklə əlaqədar paytaxtın bəzi su basmış ərazilərində elektrik enerjisinin kəsildiyini açıqlayıb.
Paytaxtdakı bütün məktəblər də bir həftəlik bağlanıb.
aia.az
Tərcümə şöbəsi
Geri dön