La-Manş boğazında miqrant qayığı batıb: 12 itki
3-09-2024, 19:25. Yazar: sevinc1
Fransadan İngiltərəyə keçməyə çalışan mühacir qayığı La-Manş boğazında batıb. Fransa Daxili İşlər Naziri Gerald Darmanin bugünkü hadisədə ən azı 12 immiqrantın həyatını itirdiyini açıqlayıb. Darmanin bildirib ki, hadisədən sonra itən qeyri-qanuni mühacirlərin tapılması üçün axtarış-xilasetmə işlərinə başlanılıb. Fransalı nazir hadisənin baş verdiyi La-Manş sahilindəki Boulon-sur-Mer şəhərinə gedəcəyini açıqlayıb.
Fransadan İngiltərəyə keçməyə çalışan miqrant qayığı La-Manş boğazında batıb. Təbii fəlakətdə 12 immiqrant həyatını itirib.
La-Manş boğazında qeyri-qanuni immiqrasiya fəaliyyəti həm Fransa, həm də Böyük Britaniya üçün prioritet məsələlər sırasındadır. Böyük Britaniya hökumətinin məlumatlarına görə, son 7 gündə 2 mindən çox insan kiçik qayıqlarla İngiltərəyə keçib.
Dünyanın ən işlək keçidlərindən biri olan La-Manş boğazında güclü axınlar kiçik qayıqlarla keçidi təhlükəli edir. Avqust ayında La-Manş boğazını keçməyə çalışan immiqrantları daşıyan qayıq batdıqdan sonra iki nəfərin cəsədi tapılmışdı.
aia.az
Tərcümə şöbəsi
Geri dön