Aİ Putinin səfəri ilə bağlı Monqolustana narahatlığını bildirib
2-09-2024, 17:18. Yazar: sevinc1
Avropa İttifaqı (Aİ) Rusiya prezidenti Vladimir Putinin gözlənilən səfəri ilə bağlı Monqolustana narahatlığını bildirib. RİA Novosti xəbər verir ki, bu barədə Aİ-nin Avropa Xarici Fəaliyyət Xidmətinin rəsmi nümayəndəsi Nəbilə Massralı məlumat verib.Massralı qeyd edib ki, “Vladimir Putinin həbsi üçün Beynəlxalq Cinayət Məhkəməsi (ICC) tərəfindən verilmiş “əmr” var”. O xatırladıb ki, Monqolustan BCM-nin Roma Nizamnaməsinə “müvafiq hüquqi öhdəlikləri ilə” tərəfdir.
“Biz səfərlə bağlı narahatlığımızı bildirdik və Monqolustandakı missiyamız vasitəsilə ICC ilə bağlı mövqeyimizi açıq şəkildə ifadə etdik”, - diplomat bildirib.
Daha əvvəl Rusiya prezidentinin mətbuat katibi Dmitri Peskov BCM-nin Putini “həbs etmək” qərarına görə Rusiya tərəfinin Monqolustanla “heç bir probleminin olmadığını” bildirmişdi. Rusiya lideri sentyabrın 3-də ölkəyə səfər edəcək.
aia.az
Tərcümə şöbəsi
Geri dön