DEPUTATLIĞA NAMZİƏD ŞƏHİD AİLƏSİNİ ZİYARƏT EDİB
16-08-2024, 12:25. Yazar: sevinc1
66 saylı Saatli Seçki Dairəsindən deputatlığa namizəd, Qərbi azərbaycan İcması İdarə heyətinin sədri Əziz Ələkbərov təbliğat-təşviqat kampaniyası çərçivəsində əsas üstünlüyü şəhid ailələrini ziyarətə verir. Mütəmadi olaraq şəhid ailələri ilə görüşən, onların qayğı və probelmlərinin həllində bilavasitə iştirak edən Əziz Ələkbərov növbəti görüşdə Vətən müharibəsi şəhidi Elmir Akif oğlu İbrahimovun ailəsini ziyarət edib.
Əziz Ələkbərov ölkəmizin ərazi bütövlüyü uğrunda canlarını fəda edərək, xalqımıza zəfəri yaşadan şəhidlərin valideynlərinə belə cəsur, qəhrəman övladlar böytüdükləri üçün minnətdarlıq etmişdir. Deputatlığa namizəd cənab Ali Baş Komandanın döyüş əmrini qəhrəmancasına yerinə yetirən bu igid oğullarımızın ruhu qarşısında baş əydiyini və Azərbaycan xalqının məhz Elmir kimi şəhidlərimizə borclu olduğunu bildirərək onların xatirəsinin unudulmayacağını qeyd etmişdir.
Şəhid valideynləri də, öz növbəsində onlara göstərilən diqqət və qayğıya görə cənab Prezident İlham Əliyevə və ölkəmizin birinci xanımı Mehriban xanım Əliyevaya minnətdar olduqlarını qeyd edərək şəhid valdeyini kimi övladlarının qəhrəmanlıq səlnaməsindən qürur duyduqlarını, ən ali mərtəbəyə- şəhidlik zirvəsinə ucalmalarına görə fəxarət hissi keçirdiklərini bildiribər.
Əziz Ələkbərov şəhid valdeyinlərinin problemləri ilə də yaxından maraqlanıb və şəhid ailələrini narahat edən problemlərin qısa zamanda həllini tapacağını vurğulayıb.
aia.az
Geri dön