Papa Yaxın Şərqdə atəşkəs çağırışını təkrarlayıb
7-08-2024, 19:29. Yazar: sevinc1
Katoliklərin ruhani lideri və Vatikanın prezidenti Papa Fransisk Qəzzada humanitar vəziyyətin “ağır” olduğunu bəyan edərək, Yaxın Şərqdə artan münaqişələr qarşısında atəşkəs çağırışını təkrarlayıb.
İtaliyanın ANSA agentliyinin xəbərinə görə, çərşənbə günləri Vatikanda xalqa açıq ümumi qəbul iclası keçirən Papa, çıxışında Yaxın Şərqdəki vəziyyəti narahatlıqla izlədiyini qeyd edib.
Papa vəziyyətin "ağır və dayanıqsız" olduğu Qəzzada və münaqişələrin yaşandığı bütün bölgələrdə atəşkəs çağırışını təkrarlayıb və Yaxın Şərqdə davam edən qarşıdurmalara son qoyulması üçün dua etdiyini bildirib.
Papa avqustun 4-də Vatikanın Müqəddəs Pyotr meydanında hər bazar günü qılınan Angelus namazından sonra etdiyi çıxışda “Yaxın Şərqdəki qanlı münaqişələrin daha da genişlənməməsinə” çağırıb.
aia.az
Tərcümə şöbəsi
Geri dön