Ankaradakı mübadilə dünyanın gündəmində: “Türkiyə əsas ölkədir”
2-08-2024, 19:19. Yazar: sevinc1
Rusiya ilə 7 ölkə, o cümlədən ABŞ arasında tarixi məhbus mübadiləsi dünya mətbuatında geniş işıqlandırılıb. CNN "Tarixi məhbus mübadiləsi" başlığını çıxarsa da, BBC əməliyyatı "qeyri-adi" adlandırıb.
Milli İstihbarat Təşkilatının (MİT) vasitəçiliyi ilə Ankarada baş tutan girov mübadiləsi dünya mətbuatında böyük əks-səda doğurub.
ABŞ-ın yüksək tirajlı qəzetləri 7 ölkə ilə Rusiya arasında bağlanan razılaşmanın əhəmiyyətini vurğuladılar.
Washington Post, əməliyyatın Soyuq Müharibədən bəri ən əhəmiyyətli əsir mübadiləsi olduğunu bildirərkən, New York Times qəzeti, "Bu günə qədər ən əhatəli mübadilə Ankarada həyata keçirildi. MİT və Türkiyə təşəkkürə layiqdir" dedi.
CNN də "Tarixi məhbus mübadiləsi" başlıqlı xəbər yayıb. NTV-də yayımlanan xəbərə görə, girov mübadiləsi Britaniya mətbuatında geniş işıqlandırılıb.“Türkiyə əsas dövlətdir”
“Times” qəzeti, “Swap keçmiş mübadilələrdə əsas rol oynayan bir ölkənin paytaxtı Ankarada baş tutub” ifadəsini işlədib.
Sky News-un hesabatında bunun Soyuq Müharibədən bəri ən böyük mübadilə olduğu vurğulanıb.
BBC əməliyyatı "qeyri-adi" adlandırıb.
“The Guardian” qəzetinin xəbərində qeyd olunub ki, Rusiyada saxlanılan çoxlu sayda xarici vətəndaş və rusiyalı siyasətçinin azadlığa buraxılmasını ehtiva edən “böyük mübadilə” Ankarada baş tutub.
Digər tərəfdən, Fransanın aparıcı qəzetlərindən olan Le Monde Türkiyənin vasitəçiliyi ilə Rusiya ilə böyük məhbus mübadiləsinin edildiyini, 7 ölkəni əhatə edən mübadilənin Ankarada koordinasiya edildiyini bildirib.
aia.az
Tərcümə şöbəsi
Geri dön