BDU Sarsen Amanjolov adına Şərqi Qazaxıstan Universiteti ilə “Orhun” mübadilə protokolu imzalayıb
30-07-2024, 10:58. Yazar: sevinc1
Bakı Dövlət Universiteti (BDU) ilə Sarsen Amanjolov adına Şərqi Qazaxıstan Universiteti arasında “Orhun” mübadilə protokolu imzalanıb.
aia.az xəbər verir ki, protokolu BDU-nun rektoru Elçin Babayev və Sarsen Amanjolov adına Şərqi Qazaxıstan Universitetinin rektoru Muxtar Toleqen imzalayıb. Protokol çərçivəsində təhsilalanların, o cümlədən tədqiqatçıların və akademik heyətin mübadiləsi nəzərdə tutulur. Bu gələcəkdə ikitərəfli münasibətlərin daha da genişləndirilməsini təmin edəcək.
Qeyd edək ki, əsası 1996-cı ildə qoyulmuş Sarsen Amanjolov adına Şərqi Qazaxıstan Universitetində 11 fakültə üzrə 6.000-ə qədər tələbə təhsil alır.
Geri dön