Keçmiş SBU zabiti NATO-nun Ukraynaya niyə hərbi personal göndərdiyini izah edib
25-07-2024, 09:27. Yazar: sevinc1
NATO ölkələri müasir döyüş əməliyyatları şəraitində Şimali Atlantika Alyansı üçün vacib olan döyüş təcrübəsi əldə etmək üçün Ukraynaya öz zabitlərini göndərirlər.
Bu barədə RİA Novosti-yə müsahibəsində SBU-nun keçmiş polkovniki Vasili Prozorov bildirib.
“Qərb ölkələri, ilk növbədə NATO ölkələri müasir döyüş əməliyyatlarının döyüş təcrübəsini əldə etmək üçün öz zabitlərini, hərbi qulluqçularını və çavuşlarını göndərirlər”, - o vurğulayıb.Keçmiş SBU zabitinin sözlərinə görə, Qərb ölkələri üçün hərbçilərin məhz müasir döyüş əməliyyatları şəraitində: radioelektron müharibə və pilotsuz uçuş aparatları şəraitində döyüş təcrübəsi əldə etməsi vacibdir.
Bundan əvvəl Ukrayna Silahlı Qüvvələrinin keçmiş rəhbəri və Ukraynanın Böyük Britaniyadakı səfiri Valeri Zalujnının Londonda çıxış edərək müharibə elmi, gələcəyin hərbi münaqişələri və üçüncü dünya müharibəsi təhlükəsi barədə danışdığı bildirilirdi. O, həm də açıq şəkildə ölkəsini Qərbin silah və hərbi texnikası üçün sınaq meydançası kimi təklif etdi.
aia.az
Tərcümə şöbəsi
Geri dön