"Sumqayıt" - "Fehervar" oyununa nə qədər bilet satılıb?
22-07-2024, 13:19. Yazar: sevinc1
UEFA Konfrans Liqasının II təsnifat mərhələsi çərçivəsində baş tutacaq “Sumqayıt” - “Fehervar” (Macarıstan) matçına 4000 bilet satılıb.
aia.az xəbər verir ki, bu barədə klubun mətbuat katibi Zaur Xudiyev məlumat verib.
“Sumqayıt” rəsmisi bu gündən etibarən stadionun yanındakı kassaların da fəaliyyətə başlayacağını vurğulayıb:
“Satışa 9000-dən çox bilet çıxarılıb. İndiyə kimi 4000 bilet satılıb. Bu gündən etibarən stadionun yanındakı kassalar fəaliyyətə başlayacaq. Əlavə olaraq iTicket.az və 1 saylı Asan Xidmət mərkəzində də bilet satışı davam edir”.
Qeyd edək ki, "Sumqayıt" "Fehervar"la ilk matçını iyulun 25-də evdə, cavab qarşılaşmasını isə 31-də Macarıstanda keçirəcək.
aia.az
Geri dön