Əfqanıstanda daşqınlar: 40 nəfər ölüb, 347 nəfər yaralanıb
16-07-2024, 16:52. Yazar: sevinc1
Əfqanıstanın Nanqarhar əyalətində güclü yağışlar daşqınlara səbəb olub. Təbii fəlakət nəticəsində 40 nəfər həyatını itirib, 347 nəfər yaralanıb.
Əyalətin mərkəzində, Pakistanla sərhəddə yerləşən Cəlalabad şəhərində, Sux Rod bölgəsində və qonşu rayonlarda böyük dağıntılar baş verib. Səhiyyə Nazirliyindən verilən açıqlamada 40 nəfərin öldüyü, 347 nəfərin yaralandığı açıqlanıb. Yaralıların müalicəsi üçün seldən zərər çəkmiş ərazilərə təcili tibbi yardımların göndərildiyi, can itkisinin artacağı bildirilib.
Əfqanıstanda may ayından bəri davam edən leysan yağışlar və daşqınlar nəticəsində 400-dən çox insan həyatını itirib, minlərlə insan evsiz qalıb.
aia.az
Tərcümə şöbəsi
Geri dön