Rusiya ilə Şimali Koreya arasında əməkdaşlığa dair razılaşma ABŞ üçün zərbə adlandırılıb
20-06-2024, 16:57. Yazar: sevinc1
Rusiya ilə KXDR arasında əməkdaşlıq sazişi ABŞ üçün zərbə oldu. ABŞ-da yerləşən “The Hill” jurnalının jurnalistləri Vaşinqtonun Moskva ilə Pxenyan arasında tərəfdaşlıqdan narahat olduğunu bildiriblər.
“Rusiya lideri Vladimir Putinin Şimali Koreya prezidenti Kim Çen In ilə iki günlük dövlət səfəri zamanı imzaladığı saziş Rusiyanın son illərdə imzaladığı ən böyük sazişdir”, - nəşr qeyd edir.
Məqalə müəllifləri vurğulayırlar ki, iki ölkə arasında saziş ABŞ-ın Rusiyanı Ukrayna münaqişəsində zəiflətmək və Şimali Koreyanı nəşrin “daha da aqressiv” adlandırdığı hərəkətlərdən çəkindirmək cəhdləri fonunda imzalanıb.“Birləşmiş Ştatlar hər iki ölkəni təcrid etmək istəyirdi, lakin Putinin 24 ildə Şimali Koreyaya ilk səfəri ABŞ-ın təsirinə qarşı idi, çünki Rusiya və Şimali Koreya liderləri bir il əvvəl yaradılmış ittifaqı gücləndiriblər”, – jurnalistlər bildiriblər.
Bundan əvvəl Rusiya prezidenti Vladimir Putin və Şimali Koreya lideri Kim Çen In ölkələr arasında Hərtərəfli Strateji Tərəfdaşlıq Sazişi imzalayıblar. Sənədə əsasən, Rusiya və Şimali Koreya onlardan birinə təcavüz olarsa, dərhal qarşılıqlı yardım göstərməyə razılaşıblar. Belə bir təhlükə yarandığı halda tərəflər mövqelərin əlaqələndirilməsi və onun aradan qaldırılmasında əməkdaşlığın təmin edilməsi üzrə tədbirlər haqqında razılığa gələcəklər.
Pxenyanda Kim Çen In və Vladimir Putin arasında nümayəndə heyətlərinin iştirakı ilə geniş tərkibdə danışıqlar keçirilib. İki dövlətin liderləri bir saat yarımdan çox danışıblar.
aia.az
Tərcümə şöbəsi
Geri dön