Zelenski ukraynalıları “indi” geri qayıtmağa çağırıb
11-06-2024, 17:20. Yazar: sevinc1
Vladimir Zelenski Ukrayna vətəndaşlarını xaricdən “indi” qayıtmağa və dövlətin bərpasına kömək etməyə çağırıb. Onun sözlərini Ukraynanın “Strana” nəşri sitat gətirir.Nəşrin məlumatına görə, Zelenski bu barədə Almaniya kansleri Olaf Şolzla birgə keçirdiyi brifinqdə bildirib.
“Müharibə bitdikdən sonra hamı Ukraynanı bərpa etməyə gələcək, yerlər olacaq, təhlükəsizlik olacaq. Biz indi ukraynalıların xaricdən gəlməsinin tərəfdarıyıq”, o vurğulayıb.Xatırladaq ki, Vladimir Zelenskinin səlahiyyət müddəti rəsmən mayın 21-nə keçən gecə başa çatıb. Ukraynada 2024-cü ildə keçiriləcək prezident seçkiləri hərbi vəziyyətə görə ləğv edilib. Siyasətçinin özü bildirib ki, indi səsvermə “vaxtsız” olacaq.
Eyni zamanda, hazırda Ukraynada genişmiqyaslı səfərbərlik aparılır ki, bu da artıq Çerniqov Dram Teatrının bağlanması ilə bağlı qərara gətirib çıxarıb, Kiyev metrosunda isə kadr çatışmazlığı səbəbindən hərəkət intervalları artırılıb. Teatrın bədii rəhbəri bildirib ki, 34 əməkdaş, o cümlədən rəssamlar, musiqiçilər və texniki heyət ordu sıralarına çağırılıb.Rusiya prezidenti Vladimir Putinin açıqladığı məlumatlara görə, Ukrayna Silahlı Qüvvələri ayda təxminən 50 min insan itirir. Ukraynada səfərbərlik isə onun fikrincə, yalnız itkiləri ödəyir, amma problemi həll etmir.
aia.az
Tərcümə şöbəsi
Geri dön