"Yaşıl dünya naminǝ hǝmrǝy Azǝrbaycan”
29-05-2024, 19:36. Yazar: sevinc1
Azǝrbaycan ǝtraf mühitin qorunmasına, iqlim dǝyişmǝlǝrinin mǝnfi tǝzahürlǝrinin qarşısının alınmasına xüsusi önǝm verir. Ölkǝmizin 2030-cu ilǝdǝk sosial-iqtisadi inkişafa dair milli prioritetlǝrindǝn birinin “Tǝmiz ǝtraf mühit vǝ yaşıl artım ölkǝsi” kimi müǝyyǝn edilmǝsi, işğaldan azad edilmiş ǝrazilǝrin vǝ Naxçıvan Muxtar Respublikasının “yaşıl enerji” zonası elan olunması, 2024-cü ilin “Yaşıl dünya naminǝ hǝmrǝylik ili” elan edilmǝsi bu sahǝdǝ aparılan mǝqsǝdyönlü, ardıcıl dövlǝt siyasǝtinin dǝrin mǝzmunundan xǝbǝr verir.
Azǝrbaycanın iqlim dǝyişmǝlǝrinin mǝnfi tǝzahürlǝrinin qarşısının alınması sahǝsindǝ hǝyata keçirdiyi fǝaliyyǝti yüksǝk qiymǝtlǝndirilir. Mǝhz bu sǝbǝbdǝn, iştirakçıların sayına, sǝviyyǝsinǝ, müzakirǝyǝ çıxarılan mǝsǝlǝlǝrin aktuallığına görǝ dünyada ǝn mötǝbǝr tǝdbirlǝrdǝn biri hesab edilǝn BMT-nin İqlim Dǝyişmǝlǝr" üzrǝ Çǝrçivǝ Konvensiyasının Tǝrǝflǝr Konfransının 29-cu sessiyası (COP29) iştirakçı ölkǝlǝrin qǝrarı ilǝ 2024-cü ildǝ Azǝrbaycanda keçirilǝcǝk.
Azǝrbaycan dövlǝti beynǝlxalq ictimaiyyǝtin ona böyük hörmǝt vǝ etimadının göstǝricisi olan bu nüfuzlu sessiyanın yüksǝk sǝviyyǝdǝ tǝşkil edilmǝsi, ölkǝmiz vǝ bǝşǝriyyǝt üçün uğurlu nǝticǝlǝrlǝ yekunlaşması naminǝ bütün zǝruri tǝdbirlǝri görmǝkdǝdir.
BMT-nin İqlim Dǝyişikliyi üzrǝ Çǝrçivǝ Konvensiyasının Tǝrǝflǝr Konfransı (COP) iqlim böhranının hǝlli yönündǝ çalışmaların ǝlaqǝlǝndirilmǝsi, onun aradan qaldırılması, strategiyaların işlǝnib hazırlanması vǝ iştirakçı ölkǝlǝri bir araya gǝtirmǝk üçün çox önǝmli beynǝlxalq platformadır. Azǝrbaycan COP29-u yüksǝk beynǝlxalq standartlara uyğun sǝviyyǝdǝ keçirǝcǝk. Belǝ bir ǝminlik ölkǝmizdǝ bir sıra irimiqyaslı beynǝlxalq tǝdbirlǝrin yaxın keçmişdǝ örnǝk sayılacaq sǝviyyǝdǝ keçirilmǝsi ilǝ sıx bağlıdır.COP29-da müxtǝlif dövlǝtlǝrin pavilyonları fǝaliyyǝt göstǝrǝcǝk. Hǝr dövlǝt özünün müvafiq sahǝlǝr üzrǝ uğurlarını nümayiş etdirdiyi kimi, eyni zamanda, Azǝrbaycan da “yaşıl enerji” sahǝsindǝ başarılarını tǝqdim edǝcǝk. Bu isǝ şirkǝtlǝrarası, hökumǝtlǝrarası, dövlǝtlǝrarası yeni işbirliklǝrinin qurulması, inkişaf etdirilmǝsi, tǝcrübǝ vǝ uğurların mübadilǝsi, bundan irǝli gǝlǝn müǝyyǝn sǝnǝdlǝrin imzalanması vǝ digǝr mǝsǝlǝlǝr baxımından önǝm daşıyır.
Prezident İlham Əliyevin Sǝrǝncamı ǝsasında 2024-cü ilin Azǝrbaycanda “Yaşıl dünya naminǝ hǝmrǝylik ili” elan edilmǝsunǝ görǝ, artıq ölkǝmizin energetika sahǝsindǝ bir sıra vacib yeniliklǝrindǝn danışa bilirik. Özǝlliklǝ dǝ sosial-iqtisadi inkişafın beş milli prioritet"ndǝn biri hesab olunan tǝmiz ǝtraf mühit vǝ yaşıllıqların artırılmasına dair fǝaliyyǝtlǝrǝ nǝzǝr salınmasını fǝrqlǝndirǝ bilǝrik. Hǝmin innovativ yanaşmalarla bağlı olan mǝsǝlǝlǝrǝ işğaldan azad olunmuş ǝrazilǝrdǝki “Ağıllı şǝhǝr”, “Ağıllı kǝnd” vǝ digǝr layihǝlǝr aiddir.
Kimliyindǝn, çalışdığı sahǝdǝn asılı olmayaraq, 2024-cü ildǝ - “Yaşıl dünya naminǝ hǝmrǝylik ili” ilǝ, COP29-la bağlı müǝyyǝn ixtisaslaşmalara nǝzǝr salsaq, burada tǝhsil sistemi ilǝ bağlı olan mǝsǝlǝlǝrin dǝ ǝhatǝ olunduğunu görǝrik. Yaşıl enerji növlǝrinin yaradılması ilǝ bağlı müǝyyǝn elmi, konseptual yanaşmalar sonrakı mǝrhǝlǝdǝ tǝhsil sistemindǝ geniş şǝkildǝ tǝtbiq oluna bilǝr.
COP29-un digǝr aspektlǝrinǝ bağlı olan mǝsǝlǝlǝrdǝn biri yol infrastrukturunun, kommunikasiyaların vǝ nǝqliyyatın inkişafı ilǝ ǝlaqǝdardır. Kommunikasiya infrastrukturunun yaradılması, yaşıl enerjinin Qǝrb bazarlarına çıxarılması ilǝ bağlı sǝnayenin ayrı-ayrı istiqamǝtlǝri üzrǝ sahǝlǝrinin inkişafına ehtiyac yaranır.
Hüseynova Nərgiz
Laçın rayon 12 nömrəli tam orta məktəbin direktoru
YAP Laçın rayon təşkilatı 49 saylı ƏPT-in sədri
Geri dön