Ana Sayfa > Özəl > AZƏRBAYCANIN MƏRKƏZİ ASİYA DÖVLƏTLƏRİ ARASINDA TACİKİSTANLA MÜNASİBƏTLƏRİ XÜSUSİ ƏHƏMİYYƏTƏ MALİKDİR
AZƏRBAYCANIN MƏRKƏZİ ASİYA DÖVLƏTLƏRİ ARASINDA TACİKİSTANLA MÜNASİBƏTLƏRİ XÜSUSİ ƏHƏMİYYƏTƏ MALİKDİR27-05-2024, 14:01. Yazar: sevinc1 |
![]() Azərbaycanın Mərkəzi Asiya dövlətləri arasında Tacikistanla münasibətləri xüsusi əhəmiyyətə malikdir. Ölkələrimiz arasında əlaqələrin inkişafında Azərbaycan Prezidenti İlham Əliyevin və Tacikistan Prezidenti Emoməli Rəhmonun şəxsi dostluq münasibətləri mühüm rol oynayır. Qeyd etmək lazımdır ki, Vətən müharibəsindən sonra Azərbaycanın nəqliyyat-logistika imkanlarının genişlənməsi, Zəngəzur dəhlizinin reallaşdırılması məsələsi ölkəmizi Şərqlə Qərb arasında mühüm nəqliyyat qovşağına çevirib. Təsadüfi deyil ki, bu gün Mərkəzi Asiya ölkələrindən, bir qədər də uzağa getsək, Çindən Avropaya gedən ən qısa və təhlükəsiz tranzit daşımalar məhz ölkəmizin ərazisindən həyata keçirilir, bu da Azərbaycana marağı getdikcə artırır. Bu baxımdan Tacikistan Respublikasının Prezidenti Emoməli Rəhmonun Azərbaycana rəsmi səfəri mühüm əhəmiyyət kəsb edirdi. Bu səfərlə əlaqədar Prezident İlham Əliyevin mayın 23-də mətbuata verdiyi bəyanatında iki ölkə arasında münasibətlərin perspektivləri ilə bağlı məsələləri bölüşdü. Dövlət başçımız bildirdi ki, sənaye kooperasiyası, humanitar sahədə əməkdaşlıq, habelə iqtisadi xarakterli bir çox layihənin reallaşdırılmasına dair konkret tapşırıqlar verilib. Bu gün dövlətlərarası münasibətlərimiz ən yüksək səviyyəyə çatıb və Strateji Tərəfdaşlıq Bəyannaməsində qarşılıqlı dəstək və konkret nəticələrə diqqət ifadə olunub. Strateji Tərəfdaşlıq Bəyannaməsi ilə yanaşı, ümumilikdə 14 sənəd imzalanıb. İmzalanmış sənədlər münasibətlərimizin müqavilə-hüquq bazasını xeyli möhkəmləndirir. İki ölkə arasında mədəniyyət sahəsində əlaqələrə toxunan Prezident İlham Əliyev qeyd etdi ki, Azərbaycanda Tacikistanın Mədəniyyət Günlərinin keçirilməsi ikitərəfli münasibətlərdə mühüm hadisə olacaq. Dövlət başçımız bəyan etdi ki, nəqliyyat sektoru əməkdaşlığımızın mərkəzindədir. Orta Dəhliz və onun bir hissəsi olan Transxəzər Nəqliyyat Dəhlizi Tacikistandan yükgöndərənlər üçün cəlbedici logistik layihədir. Hazırda Azərbaycan öz ərazisində bütün iri nəqliyyat və logistika layihələrini praktiki olaraq başa çatdırıb və bu gün müxtəlif istiqamətlərdə - Şərqdən Qərbə və əks istiqamətdə, Şimaldan Cənuba və əks istiqamətdə böyük həcmdə yükləri qəbul etməyə hazırdır. Qeyd etmək lazımdır ki, bu gün iki ölkə arasında münasibətlərin inkişaf etdirilməsi üçün dövlət başçıları səviyyəsində siyasi iradə mövcuddur və bu, xalqlarımızın rifahının daha da yüksəldilməsinə xidmət edir. Tumasov Köçəri YAP Cəbrayıl rayon təşkilatının partiya fəalı. Geri dön |