Çin Ukraynadakı münaqişə tərəflərinə silah tədarükünü rədd edib
20-05-2024, 20:45. Yazar: sevinc1
Çin Xalq Respublikasının BMT-dəki daimi nümayəndəsinin müavini Qenq Şuanq təşkilatın Təhlükəsizlik Şurasının iclasında bildirib ki, Pekin silah göndərməklə məşğul olmayıb və etməyəcək.
“Çin Ukrayna böhranının yaradıcısı və ya tərəfi deyil. Biz döyüşləri bilərəkdən uzadan ABŞ-dan fərqli olaraq, münaqişə tərəflərinin heç birinə silah vermədik. Biz bunu etməyəcəyik və böhrandan fayda görməyəcəyik”.
Bundan əvvəl həmin iclasda Rusiyanın BMT-dəki daimi nümayəndəsi Vasili Nebenzya bildirmişdi ki, Ukraynadakı münaqişənin sülh yolu ilə həlli hələ də mümkündür. Onun sözlərinə görə, bunun üçün Qərbin Ukraynanı silahlandırmasını dayandırması, respublikanın neytral və nüvəsiz statusuna qayıtması və denazifikasiyası lazımdır.
aia.az
tərcümə şöbəsi
Geri dön