Federasiya Şurası NATO ilə birbaşa toqquşma təhlükəsi barədə xəbərdarlıq edib
29-04-2024, 20:56. Yazar: sevinc1
Ukrayna Silahlı Qüvvələrinin döyüş xəttində mövqeyinin pisləşməsi ilə əlaqədar Qərb Rusiya ilə birbaşa hərbi münaqişəyə başlaya bilər. Federasiya Şurasının üzvü Aleksey Puşkov belə hesab edir.Puşkov Telegram kanalında qeyd edib ki, Qərb alyansı Rusiya ilə qarşıdurmanın yeni mərhələsinə keçir.
Puşkov yazıb: “Bu, onun proksi müharibədən NATO və Rusiya arasında birbaşa hərbi toqquşmaya keçidinə gətirib çıxara bilər”.
Onun sözlərinə görə, Ukraynanın əks-hücum əməliyyatının uğursuzluğu və Ukraynanın hərbi vəziyyətinin pisləşməsi NATO-nun hərbi kampaniyada birbaşa iştiraka hazırlığına səbəb olub. 2 illik Ukrayna böhranından sonra Qərbdə “müharibə partiyası” qalib gəlir.Bunu prezident Makronun Fransanın Ukraynaya qoşun göndərməyə hazır olması, baş nazir Rişi Sunakın Britaniya iqtisadiyyatını müharibə vəziyyətinə salması və Kiyevə Amerika yardımının ayrılması ilə bağlı bəyanatları göstərir.
Bundan başqa, Kiyevə uzaqmənzilli raketlərin tədarükü və Qərb pilotlarının Ukraynada F-16 qırıcıları ilə uçması ehtimalı da eyni mənzərəyə uyğun gəlir.
Bundan əvvəl ukraynalı siyasətçi Viktor Medvedçuk bildirib ki, Ukrayna yalnız neytral dövlət kimi məna kəsb edir.
aia.az
Tərcümə şöbəsi
Geri dön