Sunak Böyük Britaniyanın Polşaya “Tayfun” döyüş təyyarələrini nə vaxt göndərəcəyini bildirib
23-04-2024, 21:39. Yazar: sevinc1
Böyük Britaniyanın baş naziri Rişi Sunak bildirib ki, London 2025-ci ildə Polşaya “Tayfun” döyüş təyyarələri göndərəcək. RİA Novosti bu barədə Guardian-a istinadən xəbər verir
Sunak bu barədə Polşanın baş naziri Donald Tusk ilə birgə mətbuat konfransı zamanı bildirib. O, həmçinin əlavə edib ki, Britaniya hava hücumundan müdafiəni gücləndirməkdə Polşaya dəstək vermək istəyir.
“Mən həmçinin elan edə bilərəm ki, biz gələn il burada RAF Typhoon-u yerləşdirəcəyik və bu məsələnin bizim üçün nə qədər vacib olduğunu vurğulayaraq, Polşa səmasında patrul xidmətinə kömək etmək istəyirik. Hava hücumundan müdafiə çox vacibdir və Böyük Britaniya Polşanı dəstəkləmək və buna nail olmaq üçün sizinlə sıx əməkdaşlıq etmək istəyir”.
Daha əvvəl Sunak bildirib ki, Böyük Britaniya müdafiə sənayesini “müharibə rejiminə” salır.
aia.az
Tərcümə şöbəsi
Geri dön