Bayram günlərində təcili yardıma 10 mindən çox müraciət daxil olub
15-04-2024, 11:45. Yazar: sevinc1
Bayram günlərində təcili tibbi yardım xidmətinə 10 mindən çox müraciət daxil olub.
aia.az xəbər verir ki, bu barədə TƏBİB-dən bildirilib.
Qeyd olunub ki, Ramazan bayramı ilə əlaqədar qeyri-iş günlərində Respublika Təcili və Təxirəsalınmaz Tibbi Yardım Mərkəzi gücləndirilmiş iş rejimində fəaliyyət göstərib.
Təcili tibbi yardım xidmətinə 10-14 aprel tarixində 10 669 ümumi çağırış olub, onlardan 1 129-u hospitalizasiya edilib. Çağırışların sayı ən çox aprelin 10-u (ümumi çağırış sayı 2 154, hospital olunanların sayı 244 olmaqla) və 14-də (çağırış sayı 2 211, hospital olunanların sayı 234 olmaqla) qeydə alınıb.
Çağırış səbəbləri əsasən, yüksək arterial təzyiq, kardioloji problemlər, müxtəlif növ travmalar, dispeptik əlamətlər, mövsümi respirator virus infeksiyaları və s. ilə bağlı olub.
aia.az
Geri dön