"Azərbaycan bölgədə sülhün bərqərar olunmasına sadiqdir" -
9-04-2024, 13:03. Yazar: sevinc1
Regionda sülh üçün yaranmış imkanlara qarşı yönələn birtərəfli addım və təşəbbüslər qəbuledilməzdir.
aia.az xəbər verir ki, bunu Azərbaycanın xarici işlər naziri Ceyhun Bayramov Qırğız Respublikasının xarici işlər naziri Ceenbek Kulubayev ilə görüşündə deyib.
Postmünaqişə dövründə bölgədə mövcud vəziyyət, Azərbaycanın bərpa, quruculuq, sülh səylərindən, habelə regional sülh quruculuğuna təhdid törədən çağırışlardan bəhs edən Ceyhun Bayramov sülh üçün yaranmış imkanlara qarşı yönələn birtərəfli addım və təşəbbüslərin qəbuledilməz olduğunu vurğulayıb.
"Azərbaycan beynəlxalq hüququn norma və prinsiplərinə, xüsusilə də ərazi bütövlüyü və suverenliyə hörmət əsasında bölgədə sülhün bərqərar olunmasına sadiqdir", - nazir qeyd edib.
aia.az
Geri dön