Alman şokolad istehsalçısı Rusiyada itkilərlə üzləşib
4-04-2024, 08:56. Yazar: sevinc1
Alman şokolad istehsalçısı Ritter Sport-un Rusiyadakı törəmə şirkəti itkilərlə üzləşib. “Vedomosti” qəzeti xəbər verir ki, “SPARK-İnterfaks”ın məlumatına görə, şirkətin mənfəəti təxminən bir milyard yarım rubl azalıb.2023-cü ildə şirkətin gəliri illik ifadədə 10 faiz artıb - 7,5-dən 8,2 milyard rubla (üstəgəl beş faiz, ana şirkət Alfred Ritter GmbH & Co üçün 565 milyon avroya qədər). Bununla belə, Ritter Sport Chocolate MMC-nin xalis zərəri 478 milyon rubl təşkil edib - bir il əvvəl şirkət 1,1 milyard rubl mənfəət əldə edib.Baş direktor Andreas Ronkenin sözlərinə görə, qrupun ümumi gəlirinin təxminən 10 faizini təşkil edən və Almaniyadan sonra ikinci ən böyük Rusiya bazarında gəlir rublun zəifləməsi (şirkət şokoladı yerli istehsal etməkdənsə, idxal edir) səbəbindən aşağı düşüb. Bundan əlavə, itkilərə xammalın, xüsusilə qiymətləri son vaxtlar rekordları qıran kakao paxlasının yüksək qiyməti də təsir edib.
aia.az
Tərcümə şöbəsi
Geri dön