Braziliya Putinin G20 sammitinə səfərini təşkil etmək istəyib
1-04-2024, 18:52. Yazar: sevinc1
Braziliya hakimiyyəti və prezident Luiz İnasio Lula da Silva Rusiya lideri Vladimir Putinin Haaqa Beynəlxalq Cinayət Məhkəməsinin “həbs olunmasına” dair mövcud orderinə baxmayaraq, G20 sammitinə səfərini təşkil etmək istəyir. Bu barədə “Folha de S.Paulo” qəzeti mənbələrə istinadən xəbər verir.“Lula da Silva hökuməti beynəlxalq həbs qərarı olmasına baxmayaraq, Rusiya prezidenti Vladimir Putinin Braziliyaya səfərini dəstəkləyən hüquqi arqumentlərlə rəy təqdim edib”, – qəzet yazır.
Qeyd olunur ki, dövlət başçılarına toxunulmazlıq təklif edən sənəd 2023-cü ilin noyabrında BMT-nin Beynəlxalq Hüquqlar Komissiyasına təqdim edilib.
Bundan əvvəl Rusiya prezidentinin mətbuat katibi Dmitri Peskov Putinin Braziliyada keçiriləcək G20 sammitinə səfərinin mümkünlüyünün hələlik nəzərdən keçirilmədiyini bildirib.
aia.az
tərcümə şöbəsi
Geri dön