Rusiyanın Ukraynanın daha iki su elektrik stansiyasına hücumu məlum olub
29-03-2024, 20:37. Yazar: sevinc1
Ukrayna prezidenti Vladimir Zelenski Rusiya Silahlı Qüvvələrinin enerji obyektlərinə yeni hücumlar həyata keçirdiyini açıqlayıb. Bu barədə dövlət başçısı özünün Telegram kanalında yazıb.Onun sözlərinə görə, martın 29-na keçən gecə Kaniv və Dnestr su elektrik stansiyalarına (SES) ziyan dəyib. Ukrayna Prezidenti yanında Qərargahın iclası zamanı baş nazir Denis Şmıqal, eləcə də aidiyyəti idarələrin rəhbərləri ərazilərdə təşkil olunmuş ziyan və bərpa işləri barədə məlumat veriblər.
Martın 22-də gecə hücumu nəticəsində Ukraynanın ən böyük su elektrik stansiyası olan Dnepr su elektrik stansiyası sıradan çıxıb. Obyektin əhəmiyyətli dərəcədə dağılması barədə məlumatı ölkənin Baş Prokurorluğu da təsdiqləyib.Bundan sonra “Ukrhidroenerqo”nun baş direktoru İqor Sirota Dnepr SES-in bərpasının vaxtını şərh edib. O bildirib ki, stansiyanın layihə vəziyyətinə qaytarılması üçün illər lazım olacaq.
aia.az
Tərcümə şöbəsi
Geri dön