Ərəb KİV-ləri İsrail hərbçilərinin fələstinlilərə qarşı vəhşi rəftarından xəbər verib
28-03-2024, 09:48. Yazar: sevinc1
Əl-Cəzirə İsrail əsgərlərinin guya iki silahsız fələstinlini güllələdiyini və onların cəsədlərini buldozerlə basdırdığını əks etdirən bir video əldə etdiyini iddia edir.Telekanalın məlumatına görə, insident fələstinlilər sahil boyu açıq ərazidən keçərkən baş verib. İddialara görə, kişilərdən biri təhlükəli olmadığını nümayiş etdirmək üçün dəfələrlə ağ parça yelləyib, lakin hər ikisi yaxın məsafədən vurulub.
Əl-Cəzirə telekanalının məlumatına görə, həmin şəxslər Qəzza zolağının şimalına qayıtmaq istəyiblər. Ölənlərin cəsədlərinin “İsrail hərbi buldozeri” tərəfindən qumda basdırıldığı iddia edilir.Oktyabrın 7-də Fələstin radikal HƏMAS hərəkatının minlərlə silahlı tərəfdarının Qəzza zolağından İsrailə daxil olması, dinc sakinlərə hücum etməsi və 200-dən çox girovu qaçırması ilə Yaxın Şərqdə vəziyyət gərginləşib. Buna cavab olaraq İsrailin baş naziri Benyamin Netanyahu ölkənin müharibə vəziyyətində olduğunu bəyan edib. Quru əməliyyatı başladıldı, onun məqsədi girovların qaytarılması və HƏMAS-ın tamamilə məhv edilməsi idi.
aia.az
Tərcümə şöbəsi
Geri dön