Rus Pravoslav Kilsəsi Roma Papasının Ukraynada sülhlə bağlı sözlərinə cavab verib
11-03-2024, 20:16. Yazar: sevinc1
Rus Pravoslav Kilsəsinin (ROK) nümayəndəsi Lenta.ru ilə söhbətində bildirib ki, Roma Papası Fransiskin Ukrayna münaqişəsində uduzan tərəfin danışıqlara razılıq verməli olması barədə bəyanatı Qərbin gözləntilərini doğrultmur. Nəşrin həmsöhbəti papanın sözlərinə belə cavab verib.“Aydındır ki, bu bəyanat Rusiyaya qarşı ən döyüşkən ritorika üzərində cəmləşmiş Qərb siyasi ana axınının gözləntilərinə cavab vermir”, - Rus Pravoslav Kilsəsinin nümayəndəsi bildirib.
Qeyd edək ki, bir müddət əvvəl Roma Papası Fransisk Ukrayna münaqişəsindən danışıb və bildirib ki, uduzan tərəf ağ bayraq qaldırmalı və sülh danışıqlarına başlamalıdır. Ukrayna prezidenti Vladimir Zelenski pontifikin sözlərinə kəskin reaksiya verib və onları “virtual vasitəçilik” adlandırıb.
Rusiya Xarici İşlər Nazirliyinin rəsmi nümayəndəsi Mariya Zaxarova da Papanın sözlərini yüksək qiymətləndirib. Nazirlik spikerinin sözlərinə görə, pontifik müraciəti Qərbə yönəlib.
aia.az
Tərcümə şöbəsi
Geri dön