WP: ABŞ İsrailə silah satışını gizli saxlamaq üçün boşluqdan istifadə edir
7-03-2024, 08:23. Yazar: sevinc1
“Washington Post” qəzetinin yazdığına görə, ABŞ administrasiyasının rəsmiləri bəzi Konqres üzvlərinə Qəzza zolağında müharibə zamanı İsrailə 100 xarici hərbi satış haqqında məlumat verib.Satışla bağlı az təfərrüat məlumdur. Onların məzmunu məxfi saxlanılır, lakin məlumatlara görə, onlara dəqiq idarə olunan sursatlar, kiçik diametrli bombalar, bunkerlər, atıcı silahlar və digər öldürücü vasitələr daxildir.
Bayden administrasiyası İsrailin Qəzzada keçirdiyi hərbi əməliyyatları və onun əhəmiyyətli miqdarda humanitar yardım göstərməməsini getdikcə daha çox tənqid etməyə başlayıb, çünki ölü sayı 30 mini keçib və Netanyahu hökumətinin yerüstü qida tədarükünü əngəlləməsi səbəbindən anklavda aclıq hökm sürür.Nəşr qeyd edir ki, bu fonda Vaşinqton İsrailin kiçik sahil zolağına atdığı on minlərlə bombanın dəyişdirilməsinə kömək etmək üçün gizli şəkildə əhəmiyyətli sursat axını göndərməyə davam edir ki, bu da onu hərbi tarixin ən intensiv bombardman kampaniyalarından birinə çevirir.
aia.az
Tərcümə şöbəsi
Geri dön