Azərbaycanın işgüzar turizm imkanları Türkiyə turizm sənayesi nümayəndələrinə təqdim olunub
5-03-2024, 14:06. Yazar: sevinc1
Azərbaycan Turizm Bürosu və "Absheron Hotel Group" 29 fevral - 3 mart tarixlərində Türkiyədən olan 13 turizm sənayesi nümayəndəsinin Bakı şəhərinə işgüzar turizm üzrə tanıtım səfərini təşkil edib.
aia.az xəbər verir ki, səfərdə təşkilində məqsəd Azərbaycanın işgüzar turizm imkanlarını tanıtmaq, təbliğ etmək və işgüzar məqsədlərlə Azərbaycana səfər edəcək sənaye üzvlərinin sayını artırmaqdır.
Tanıtım səfəri çərçivəsində Türkiyə turizm sənayesi nümayəndələri ilə 30-a yaxın yerli turizm sənayesi nümayəndələri arasında B2B formatında görüşlər keçirilib.
Bundan əlavə, iştirakçıların Bakı Konqres Mərkəzi, Heydər Əliyev Mərkəzi, “İçərişəhər” Dövlət Tarix-Memarlıq Qoruğu və “Atəşgah məbədi” Dövlət Tarix-Memarlıq Qoruğuna ziyarətləri təşkil olunub.
Geri dön