İsrail hərbçilərinin Dəməşqin cənub-qərbindəki mövqelərinə endirdiyi yeni zərbələr nəticəsində iki nəfər həlak olub
21-02-2024, 19:52. Yazar: sevinc1
İsrail Hərbi Hava Qüvvələrinin Suriyanın paytaxtı Dəməşq şəhərinin cənub-qərbində yaşayış binasına endirdiyi hava zərbəsi nəticəsində ən azı iki nəfər həlak olub.
Suriyanın dövlətə məxsus “əl-İkhbariyah” telekanalı İsrailin bir sıra raketlərlə hücumunun Kafr Sousa yaşayış məhəlləsindəki bir mənzili hədəf aldığını bildirib.
Rəsmi Suriya Ərəb Xəbər Agentliyi (SANA) da İsrailin hava hücumundan görüntüləri dərc edib, çoxmərtəbəli binanın çöl hissəsinin qismən qaraldığını və pəncərələrin partladığını göstərir.
SANA daha sonra adı açıqlanmayan hərbi mənbəyə istinadla bildirib ki, “İsrail düşməni çərşənbə günü yerli vaxtla səhər saat 9:40 radələrində (GMT 0740) hava təcavüzü edib və işğal olunmuş Colan təpələri istiqamətindən yaşayış binasına raket zərbələri endirib. Dəməşqin Kəfr Sousa məhəlləsində.”
Mənbə əlavə edib ki, hava hücumu nəticəsində iki mülki şəxs həlak olub, bir nəfər isə yaralanıb. Hədəf olunan mənzilə və ona bitişik tikililərə də maddi ziyan vurub.
İsrailin Suriyaya qarşı təcavüz aktlarının artması Təl-Əviv rejiminin mühasirədə olan Qəzza zolağında fələstinlilərə qarşı hücumundan sonra baş verir.
İsrail Oktyabrın 7-də HƏMAS-ın Təl-Əviv rejiminin işğal altındakı İordan çayının qərb sahilində fələstinlilərə qarşı davamlı cinayətlərinə cavab olaraq işğal etdiyi ərazilərdə Əl-Əqsa Fırtınası əməliyyatına başlamasından sonra Qəzzaya qarşı dağıdıcı müharibə aparıb.
Təcavüz başlayandan bəri Təl-Əviv rejimi əksəriyyəti qadın və uşaqlardan ibarət ən azı 29.195 fələstinlini qətlə yetirib, 69.170 nəfəri yaralayıb.
aia.az
tərcümə şöbəsi
Geri dön