Türkiyənin 10 ən böyük bankının mənfəəti keçən il 500 milyard lirəni keçib
21-02-2024, 13:56. Yazar: sevinc1
Bank sektorunda aktiv həcmi ən yüksək olan 10 bank keçən il 506,8 milyard lirə mənfəət əldə edərək rekord qırsa da, iqtisadiyyata təxminən 10 trilyon lirə dəstək də təmin edib.
Bankların konsolidə olunmamış maliyyə hesabatlarından toplanan məlumata görə, Türkiyənin 10 ən böyük bankının aktivlərinin həcmi keçən ilin sonuna 19,4 trilyon lirəyə çatıb. Belə ki, bu bankların aktivlərinin həcmi 2022-ci ilin sonu ilə müqayisədə 65,8 faiz artıb. 2022-ci ildə 10 ən böyük bankın cəmi aktivləri 11,7 trilyon lirə olub.
Türkiyə Banklar Birliyinin (TBB) “Rəqəmlərlə Bank Sektoru 2023” hesabatında açıqladığı məlumatlara görə, Türkiyədə 63 bankın 2023-cü ildə cəmi aktiv böyüklüyü 23,5 trilyon lirə olub.
Ziraat Bankı 3,8 trilyon lirə ilə sektorun ən böyük aktivinə malik bank ünvanını qoruduğu halda, bankın aktivlərinin həcmi 2022-ci ilə nisbətən yüzdə 64,4 artıb.
VakıfBank 2023-cü ildə sektorda ikinci ən yüksək aktivlərə sahib bank ikən, bankın aktiv həcmi əvvəlki ilə nisbətən yüzdə 64,8 artaraq 2,8 trilyon lirəyə çatıb.
Türkiyə İş Bankası 2,5 trilyon lirə ilə aktiv böyüklüyü sıralamasında 3-cü yeri tutarkən, özəl banklar arasında ən yüksək aktiv böyüklüyünə malik bank ünvanını da qoruyub.
Halkbank 2,2 trilyon lirə aktiv böyüklüyü ilə 4-cü yerdə qərarlaşıb. Beləliklə, aktivlərinin həcmi 2 trilyon lirəni keçən bankların sayı 4-ə yüksəldi.
Halkbankı 1,9 trilyon lirə ilə Garanti BBVA, 1,8 trilyon lirə ilə Akbank, 1,7 trilyon lirə ilə Yapı Kredi, 1 trilyon lirə ilə DenizBank, 995,9 milyard lirə ilə QNB Finansbank və 674,4 milyard lirə ilə Kuveyt Türk izlədi.
Aktiv böyüklüyünə görə ilk 10-luqda yer alan yeganə iştirak bankı Kuveyt Türk olması diqqəti çəksə də, 2023-cü ildə əvvəlki ilə nisbətən aktiv böyüklüyünü ən çox artıran bank yüzdə 90,2 ilə DenizBank oldu.
aia.az
Tərcümə şöbəsi
Geri dön