Analitiklər təhlükəli onillikdə silahlı münaqişələrin olacağını proqnozlaşdırırlar
13-02-2024, 19:38. Yazar: sevinc1
Beynəlxalq Strateji Araşdırmalar İnstitutu yaxın bir neçə il üçün təhlükəli “hərbi münaqişələrin onilliyi” ehtimalının yüksək olduğunu bildirən proqnozunu dərc edib.Analitiklərin fikrincə, son bir neçə ildə Yer kürəsində alovlanan bir sıra hərbi münaqişələr daha təhlükəli dövrün başlanmasına səbəb ola bilər. Dərc edilmiş məlumatlara görə, mövcud vəziyyət artıq qlobal müdafiə xərclərinin rekord dərəcədə artmasına səbəb olub - 2023-cü ildə 2,2 trilyon dollar. Eyni zamanda, institut bu məbləğin gələcəkdə yalnız artacağına inanır.“Mövcud hərbi təhlükəsizlik vəziyyəti bəzilərinin öz iddialarını həyata keçirmək üçün hərbi gücdən həyasızcasına istifadə etməsi ilə xarakterizə olunan daha təhlükəli onillikdən xəbər verir”, - proqnozda deyilir.
İnstitut onu da əlavə edib ki, Krımın Rusiyaya birləşdirilməsindən sonra bir sıra ölkələrdə - Rusiya Federasiyası, ABŞ, Çin və NATO ölkələrində müdafiə xərcləri kəskin artıb. Eyni zamanda, analitiklər hesab edirlər ki, Ukraynadakı münaqişə bir çox ölkələrin ordularının tərkibinə yenidən baxmasına səbəb ola bilər.“Döyüşdən öyrənilən dərslər orduda çoxlarının düşüncəsinə təsir etməyə başlayır. Bu, artilleriya, sursatların və əks-PUA sistemlərinin daha çox qiymətləndirilməsini, həmçinin dəniz pilotsuz nəqliyyat vasitələrinin dəyərini və təhlükəsini anlamaqdan ibarətdir”, - analitiklər əlavə ediblər.
Bundan əvvəl Danimarkanın müdafiə naziri bildirib ki, Rusiya yaxın 5 il ərzində NATO ilə müharibəyə başlaya bilər.
aia.az
Tərcümə şöbəsi
Geri dön