İngiltərədə fəallar İsrail tərəfindən şəhid edilən Qəzzalı uşaqların xatirəsinə uşaq paltarları düzüblər
8-02-2024, 13:24. Yazar: sevinc1
Britaniyalı fəallar İsrailin Qəzzada şəhid etdiyi 11500 uşağın xatirəsinə çimərlikdə beş kilometr uzanan uşaq geyimləri düzüblər.
“Led By Donkeys” siyasi fəallıq qrupu tərəfindən Bornmut çimərliyi boyunca qoyulmuş təsirli incəsənət instalyasiyası oktyabrın 7-dən bəri şəhid olan uşaqları təmsil etmək üçün 11 mindən çox paltar dəstindən ibarət olub.
Led By Donkeys X-də yayımlanan videoda “İsrail 7 oktyabrdan bəri Qəzzada və İordan çayının qərb sahilində 11500-dən çox fələstinli uşağı qətlə yetirib” deyib.
“Bu rəqəmi təsəvvür etmək mümkün deyil. Göründüyü kimi budur. 5 km uzunluğunda bir xətt”, - deyə əlavə edib.
İncəliklə qurulan layihə 80 nəfərlik komandanın köməyi ilə tamamlandı. Qəzzada amansızcasına qətlə yetirilən uşaqların sayının fiziki göstəricisi kimi çıxış edir.
"Biz həqiqətən baş verənlərin miqyasını göstərməyə çalışırıq, çünki insanlar üçün bu cür rəqəmləri başa düşmək çox çətindir" dedi təşkilatçı James Sadri bazar ertəsi Bournemouth One radiosuna.
“Əgər siz bu xətti gəzsəniz, şəhid olmuş uşaqların 5 km-dən keçmək sizə bir saat vaxt aparar və bu, hamımız üçün oyanış siqnalı olmalıdır”, - Sədri deyib.
“Biz qətliamın miqyasını çatdırmağa çalışırıq – bunu məqalədə rəqəm yazmaqla və ya xəbər bülletenində deməklə çatdıra bilməzsən, bunu görməlisən, hiss etməlisən.”
Qrup Qəzzada dərhal atəşkəs əldə etməyə çağırıb.
aia.az
tərcümə şöbəsi
Geri dön