Ukraynanın Krivoy Roq şəhərində yarımstansiya zədələnib
2-02-2024, 09:26. Yazar: sevinc1
Ukraynanın Dnepropetrovsk vilayətində yerləşən Krivoy Roqda pilotsuz təyyarənin hücumu nəticəsində yarımstansiya zədələnib.“NPC Ukrenergo-nun yarımstansiyalarından birində qəza var. Krivoy Roqda məişət və sənaye istehlakçıları işıqsız qalıb”, - deyə məlumatda bildirilir.
Enerji şirkəti əlavə edib ki, onun əməkdaşları və Ukrayna Fövqəladə Hallar üzrə Dövlət Xidmətinin (SSES) mütəxəssisləri avadanlıqlara baxış keçirirlər. Təftiş başa çatdıqdan dərhal sonra qəzalı bərpa işlərinə başlanılacaq.
Həmin gün Krivoy Roqda silsilə partlayışların baş verdiyi məlum olub. Zerkalo Nedeli-nin məlumatına görə, şəhərin üstündəki səmada ən azı beş naməlum pilotsuz uçuş aparatı (PUA) görünüb.Bundan bir qədər əvvəl Ukraynanın Rəqəmsal Transformasiya Nazirliyi hava hücumu zonasının Ukraynanın Kirovoqrad, Nikolayev, Dnepropetrovsk və Poltava vilayətlərinə yayıldığını bildirmişdi.
aia.az
Tərcümə şöbəsi
Geri dön