İraq müqavimət qüvvələri Hayfa limanını dronlarla hədəfə alıb
1-02-2024, 12:51. Yazar: sevinc1
İraqın müqavimət qüvvələri rejimin mühasirədə olan Qəzza zolağına qarşı apardığı amansız müharibəyə cavab olaraq İsrailin işğal etdiyi ərazilərdəki Hayfa liman şəhərinə pilotsuz təyyarə ilə hücum edib.
İraqda İslami Müqavimət, antiterror döyüşçülərindən ibarət çətir qrupu cümə axşamı günü verdiyi bəyanatda hücuma görə məsuliyyəti öz üzərinə götürərək, İraq müqavimət qüvvələrinin “düşmən qalaları tamamilə məhv edilənə qədər” işğalçı rejimi hədəf almağa davam edəcəyini bildirib.
Bəyanatda deyilir: “İşğala qarşı müqavimət göstərmək və Qəzzada xalqımızı dəstəkləmək üçün yanaşmamızın davamı olaraq, [döyüşçülərimiz] pilotsuz təyyarələrdən istifadə edərək, Fələstinin işğal olunmuş ərazilərindəki Hayfa limanına hücum ediblər.
Hücum İraqdakı İslami Müqavimətin bir aydan az müddətdə Hayfa və onun mühüm yerlərini dördüncü dəfə hədəfə almasıdır.
Keçən ay İraq müqaviməti İsrail rejimi və onun amerikalı himayədarlarına qarşı əməliyyatlarında yeni mərhələyə söz verərək, “Qəzzadakı xalqımızla” həmrəylik olaraq “daha çoxunun olacağını” bəyan etdi.
İraqdakı İslami Müqavimət də bu yaxınlarda ABŞ-ın bölgədə işğal etdiyi altı hərbi bazanı, o cümlədən İordaniya-Suriya sərhəddindəki biri də üç Amerika əsgərinin ölümünə səbəb olan hücumları öz üzərinə götürüb.
Oktyabrın 7-də Həmas İsrail rejiminin fələstinlilərə qarşı vəhşiliklərinə cavab olaraq işğalçı quruma qarşı sürpriz Əl-Əqsa Fırtınası əməliyyatını həyata keçirdikdən sonra İsrail rejimi Qəzzaya qarşı müharibəyə başlayıb.
Qəzza Səhiyyə Nazirliyinin son hesablamalarına görə, təcavüz başlayandan bəri İsrail əksəriyyəti qadın və uşaq olmaqla 27 minə yaxın fələstinlini qətlə yetirib.
İsrailin ənənəvi müttəfiqi olan ABŞ Təl-Əvivin Fələstin ərazisinə hücumlarını dəstəkləyib və müharibə başlayandan bəri rejimə minlərlə silah partiyası verib.
Vaşinqton həmçinin Birləşmiş Millətlər Təşkilatının Təhlükəsizlik Şurasının Qəzzada dərhal atəşkəs tələb edən qətnamələrinə mane olmaq üçün veto hüququndan istifadə edib.
aia.az
Tərcümə şöbəsi
Geri dön