Açıq sözlü misirli jurnalist təxminən bir illik həbsdən sonra Səudiyyə həbsxanasından azad edilib
23-01-2024, 13:32. Yazar: sevinc1
Səudiyyə Ərəbistanının Yəmənə qarşı müharibəsi və İsrailin Fələstini işğalı ilə bağlı tənqidi fikirlər səsləndirən misirli jurnalist və insan haqları müdafiəçisi təxminən bir il həbsdən sonra Səudiyyə həbsindən azad edilib.
Rania əl-Assalın Səudiyyə Ərəbistanında həbsdə olması ilə bağlı xəbərlər o, keçən mart ayında müqəddəs Məkkədə həcc ziyarətində olarkən yoxa çıxdıqdan sonra ortaya çıxdı.
Bazar ertəsi X sosial media platformasındakı paylaşımında o, inancları uğrunda mübarizəyə davam edəcəyinə söz verərək, "Mən Səudiyyə həbsxanalarından buraxıldım. Mənə heç bir fiziki və ya psixoloji zərər vurulmadı" dedi.
Onun yoxa çıxmasından sonra məlum olub ki, o, Səudiyyə Ərəbistanının təhlükəsizlik qüvvələri tərəfindən həbs edilib və açıqlanmayan yerə köçürülüb.
Əl-Assalın Misir və Livandakı dostları sonradan onun 2023-cü il fevralın 11-dən qeyri-müəyyən müddətə gizli saxlanıldığını açıqladılar.
Həbsindən əvvəl bir sıra yazılarında alovlu misirli jurnalist Kəbəni əhatə edən Məscidül-Həram məscidinin qapılarından birinə Səudiyyə monarxlarının adının verilməsinə görə Səudiyyə rəsmilərini sorğu-sual etmişdi.
“Bəni Səud (səltənətin hakim ailəsi) ailəsindən kimsə Kəbəni tikibmi, hətta onun ətrafındakı bütlərin dağıdılmasında, hətta onun azad edilməsində iştirak edibmi?”, - deyə əl-Assal X-də yazıb.
O, krallığı və onun müttəfiqi Birləşmiş Ərəb Əmirliklərini Yəmənə qarşı on minlərlə yəmənlinin ölümünə səbəb olan hərbi hücumlarına görə açıq şəkildə tənqid edib.
Əl-Əssal həmçinin aparteid İsrail rejiminin Fələstini işğalını pisləyib.
"Bəli, Əmirliklər və Səudiyyə Ərəbistanı Yəmənlə döyüşməyib və İsrail Fələstini işğal etməyib. Əlbəttə, problem bizdədir, çünki fantaziyalar görürük" deyə onun X yazılarından birini istehzalı tonda oxuyub.
aia.az
Tərcümə şöbəsi
Geri dön