Gədəbəylilər qalib Liderə səs verəcəklər
16-01-2024, 17:25. Yazar: sevinc1
2024-cü il fevralın 7-də ölkəmizdə keçiriləcək prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində yanvarın 15-də Gədəbəy rayonunun Pərizamanlı, Qoşabulaq və Samanlıq kəndlərində seçicilərlə görüşlər keçirilib.
Görüşlərdə YAP Gədəbəy rayon təşkilatının sədri Rüstəm Nağıyev, təşviqat qrupunun üzvləri Pərviz Bayramov, Şakir Ələkbərov, Sahib Quliyev və Niyaz Qasımov çıxış ediblər.
Çıxışlarda qeyd olunub ki, son 20 il Azərbaycan tarixinə hərtərəfli və sürətli inkişaf dövrü kimi daxil olub. Gənc dövlətin əsaslarının möhkəmliyi və həyata keçirilən strategiyanın səmərəliliyi məhz Prezident İlham Əliyevin liderlik keyfiyyətləri, zəkası, siyasi iradəsi və uzaqgörənliyi sayəsində mümkün olub. Prezident İlham Əliyev şəxsiyyəti modern cəmiyyətdə lider obrazının ən mühüm cəhətlərini özündə birləşdirir.
Bildirilib ki, son 20 il çağdaş tariximizə qızıl hərflərlə yazılan səhifədir. İndi isə qarşıda yeni hədəflər dayanır. Bu hədəflərə çatmaq və Azərbaycanın dayanıqlı inkişafını təmin etmək əsas prioritet olaraq qalır. Bu mübarizənin önündə getməyi bacaran, Azərbaycanı qələbədən qələbəyə aparan lider yalnız cənab İlham Əliyevdir.
Görüşdə çıxış edən seçicilər fevralın 7-də dünya siyasət meydanında özünəməxsus yer tutan cənab İlham Əliyevə səs verəcəklərini bildiriblər.
Geri dön