Mənalı ömür yolu: Ehtibar Cabbarov- 60
15-01-2024, 14:12. Yazar: sevinc1
Bu gün- yanvarın 15-i Binəqədi rayonu, Biləcəri qəsəbə bələdiyyəsinin sədri Ehtibar Cəlal oğlu Cabbarovun 60 yaşı tamam olur. Əslində çoxları üçün bu məlumat təəccüblü görünə bilər. Çünki Ehtibar müəllimin həyat eşqi, enerjisi, zəhmətsevərliyi, çalışqanlıgı o qədər yüksək səviyyədədir ki, adam onun 60 yaşlı bir şəxs olmasına inanmaqda çətinlik çəkir. Elə görünüş etibarilə də bu yaşı ona vermək olmaz. Bu da, heç şübhəsiz ki, onun ürəyinin təmizliyindən və hər zaman pozitiv hisslərlə yaşamasindan qaynaqlanır. Ehtibar Cabbarov çox mənalı və şərəfli bir ömür yolu keçib. Uzun illərdən bəri Yeni Azərbaycan Partiyasının üzvü olan Ehtibar Cabbarov harada işləməsindən asılı olmayaraq, hər zaman dövlətə və Prezidentə sadiqliyi ilə tanınıb. Saglam əqidəsi, yüksək təşkilatçılıq qabiliyyəti, nümunəvi davranışı ilə ətrafdakılara örnək olmagi bacarıb. 2021-ci ilin aprelindən Biləcəri bələdiyyəsinin sədri vəzifəsində çalışır.Arxada qalan 3 ilə yaxın müddət ərzində məhz onun zəhməti sayəsində qəsəbədə çox şey dəyişib. Əvvəlki rəhbərliyin dövründən miras qalan bir çox problemlər aradan qaldırılıb. Qəsəbənin abadlıgı, təmizliyi üçün bir sıra önəmli işlər görülüb və görülməkdədir. Biləcəridəki Mərkəzi İstirahət və Əyləncə Parkının ən yüksək səviyyədə abadlaşdırılaraq sakinlərin ixtiyarına verilməsi də məhz Ehtibar Cabbarovun səyi və xidməti hesabına mümkün olub. İnanırıq ki, Ehtibar müəllim bundan sonra da yorulmadan, usanmadan eyni şövqlə, eyni enerji ilə vətənimiz, millətimiz, dövlətimiz üçün çalışmaqda, xidmət göstərməkdə davam edəcək.
Biz Ehtibar Cabbarovu 60 illik yubileyi münasibətilə təbrik edir, ona möhkəm cansaglıgı, yeni- yeni ugurlar arzulayırıq.
Tahir Kazımov
Elman Hüseynov
aia.az
Geri dön